सोशल मीडियावर अनेकदा असे काही फोटो व्हायरल होतात की जे पाहून डोकं फिरायला लागतं. सध्या एका बॉलिवूड अभिनेत्रीचा असाच एक फोटो व्हायरल होतोय. या अभिनेत्रीचा हा फोटो पाहून चाहतेही हैराण झाले आहेत. फुटपाथवर भाजीपाला विकणारी ही अभिनेत्री कोण आहे? असा प्रश्न चाहत्यांना पडला आहे. तर स्त्यावर भाजी विकताना दिसणारी ही अभिनेत्री दुसरी तिसरी कुणी नसून अभिनेत्री अदा शर्मा (Adah Sharma ) आहे.
अदाने 10 वर्षांपूर्वी 2008 साली आलेल्या ‘1920’ या चित्रपटाद्वारे बॉलिवूड डेब्यू केला होता. त्यानंतर अदाने हम हैं राही कार के आणि हंसी तो फंसी या चित्रपटांमध्ये काम केले. पण हे चित्रपट फार काही कमाल दाखवू शकले नाही. 2017 मध्ये अदा विद्युत जामवालसोबत कमांडो 2 या चित्रपटात झळकली होती. अद्याप अदाला एकही मोठा चित्रपट मिळालेला नाही. अदा तिच्या ग्लॅमरस फोटो व फिटनेस व्हिडीओंमुळे सोशल मीडियावर चर्चेत असते.