Aditya Roy Kapur Birthday: आदित्य रॉय कपूरचा जन्म 16 नोव्हेंबर 1985 रोजी मुंबईत झाला. 'लंडन ड्रीम' या चित्रपटातून या अभिनेत्याने बॉलिवूडमध्ये पदार्पण केले. त्यानंतर अ‍ॅक्शन रिप्ले या चित्रपटात ऐश्वर्या राय आणि अभय कुमार यांच्या मुलाच्या भूमिकेत अभिनेता दिसला होता, परंतु त्याला 2003 साली मोहित सूरीच्या 'आशिकी 2' चित्रपटातून प्रसिद्धी मिळाली. या चित्रपटात त्याच्यासोबत श्रद्धा कपूर दिसली होती.
VJ होता आदित्यसिनेसृष्टीत येण्यापूर्वी आदित्य कपूर प्रसिद्ध व्हीजे होता. 19 वर्षांचा असताना त्याने व्हीजे म्हणून करिअरला सुरुवात केली. 2008 मध्ये त्याने व्हीजेची नोकरी सोडली आणि बॉलिवूडमध्ये पदार्पण केलं.
'आशिकी 2'मुळे झाला स्टार 'आशिकी 2'मुळे आदित्यच्या करिअर यशाच्या शिखरावर गेलं. 'आशिकी 2' ने आदित्य रॉय कपूरला रातोरात स्टार बनवलं. यानंतर आदित्यकडे चित्रपटांची लाईन लागली होती. आदित्यचा मोठा भाऊ सिद्धार्थ रॉय कपूरनेही त्याच्यासोबत काम केले.
या चित्रपटानंतर आदित्यची जादू ओसरली. त्याच्याकडे चित्रपटांची लाईन होती, पण सगळे फ्लॉप होत होते. 'आशिकी 2' नंतर आदित्य सुपरहिट 'ये जवानी है दिवानी' या चित्रपटात दिसला, पण या चित्रपटात त्याच्याशिवाय रणबीर कपूर आणि दीपिका पादुकोण ही हिट जोडी होती.