सलमान खानने (Salman Khan) करण जोहरला रिप्लेस करत बिग बॉस ओटीटीही (Bigg Boss OTT) होस्ट करण्याची जबाबदारी घेतली आहे. 17 जूनपासून जिओ सिनेमावर सुरु होणाऱ्या कॉन्ट्रोव्हर्शियल रिअॅलिटी शोमध्ये अनेक सेलिब्रिटी सहभागी होणार आहेत. काहींची नावं याआधीच समोर आली आहेत. आता शिझान खानची (Sheezan Khan) बहीण फलक नाझही (Falak Naaz) या शोमध्ये सामील होण्याची इच्छा आहे. टेलिव्हिजन अभिनेत्री तुनिषा शर्माच्या आम्हत्येनंतर शिझान खानला अटक करण्यात आली. त्याच्या सुटकेसाठी बहीण फलक नाझने बरेच प्रयत्न केले होते. आता बहीण भावांचं नशीबच चमकलंय.
फलक नाझ इंडस्ट्रीत गेल्या १० वर्षांपासून सक्रिय आहे. 'ससुराल सिमर का','देवो के देव महादेव','महाकाली अंत ही आरम्भ है' अशा काही शोज मध्ये काम केले आहे. तर दुसरीकडे शिजान खान सध्या प्रसिद्ध शो 'खतरो के खिलाडी'मध्ये दिसत आहे. साऊथ आफ्रिकेत सुरु असलेल्या या शो दरम्यानचे फोटो व्हिडिओ तो पोस्ट करत असतो. तो सर्व सहकलाकारांमध्येही लोकप्रिय आहे. त्याला 'अलीबाबा: दास्तान ए काबूल'मध्ये शेवटचे बघितले गेले. तुनिषा शर्माच्या आत्महत्येनंतर शिजान खानला अटक करण्यात आली होती. जवळपास ७० दिवस तो तुरुंगात होता आणि सध्या तो जामीनावर आहे. शिजान खानला तर काम मिळाले. तर त्याची बहीण फलक नाझचंही आता नशीब पालटलंय. इंडिया टूडेच्या रिपोर्टनुसार, फलकला ओटीटी बिग बॉसवर पाहिले जाण्याची शक्यता आहे. फलक मेरठची असून सध्या ती आई, भाऊ शिझान, बहीण शफकसोबत मुंबईत राहते.