आर्चीच्या फोटोंनी परश्याला लावलं याडं..., फोटोंवर काय कमेंट केली ते तर पाहा!

Rinku Rajguru Pics : होय, रिंकूचे साडीतील एकापेक्षा एक भारी फोटो पाहून कुणीतरी ‘सैराट’ झालं आहे. हे कुणीतरी कोण? तर परश्या. 

सगळ्यांना याड लावणाऱ्या आर्चीची बातचं न्यारी. सैराटमध्ये आर्ची भलतीच भाव खाऊन गेली. तिचा प्रत्येक डायलॉग, तिचं ट्रॅक्टर किंवा बुलेट चालवणं, परश्यावरचं प्रेम सगळंच रसिकांना भावलं. त्यामुळे अख्खा महाराष्ट्र आर्चीवर फिदा झाला. ‘सैराट’नंतर या आर्चीने अर्थात आर्ची साकारणाऱ्या रिंकू राजगुरूने (Rinku  Rajguru) कधीच मागे वळून पाहिलं नाही. सध्या मात्र तुमची आमची लाडकी वेगळ्याच कारणानं चर्चेत आहे. होय, रिंकूचे साडीतील एकापेक्षा एक भारी फोटो पाहून कुणीतरी ‘सैराट’ झालं आहे. हे कुणीतरी कोण तर परश्या. 

रिंकूने नुकतेच इन्स्टाग्रामवर निळ्या साडीतील काही फोटो शेअर केलेत. या फोटोत रिंकू विविध पोझ देताना दिसतेय. निळ्या रंगाच्या साडीत तिचं सौंदर्य आणखीच खुललं आहे. तिच्या या फोटोवर परश्या अर्थात आकाश ठोसरनं (Akash Thosar) कमेंट केली आहे. त्याने या फोटोवर लव्ह इमोजी शेअर केला आहे.
काही दिवसांपूर्वी रिंकू आकाशसोबत डिनर डेटवर गेली होती. यानंतर त्यांच्या रिलेशनशिपच्या चर्चा जोरात होत्या. पण असं काहीही नसल्याचं रिंकूने लगेच स्पष्ट केलं होतं. मी अद्यापही सिंगल आहे, असं चाहत्यांशी संवाद साधताना तिने स्पष्ट केलं होतं.

‘सैराट’नंतर रिंकू राजगुरू  एका रात्रीत स्टार झाली. आता ही आर्ची कुठल्या कुठं पोहोचलीये. मराठी सिनेमाचं नाही तर हिंदी सिनेमा, हिंदी वेबसीरिजमधून ती इंडस्ट्री गाजवतेय. सोशल मीडियावरही तिची चांगलीच हवा आहे. सैराटनंतर मेकअप, कागर या मराठी चित्रपटात ती झळकली. १००, अनपॉज्ड, २०० हल्ला हो या वेबसीरिजमध्ये  दिसली.  नुकत्याच रिलीज झालेल्या ‘झुंड’ या चित्रपटातही तिने भूमिका साकारली.