अक्षय कुमारसोबत ‘मिशन मंगल’ हा चित्रपट केल्यानंतर तापसी पन्नूच्या झोळीत आणखी एक चित्रपट पडला आहे. या चित्रपटाचे नाव आहे, ‘रश्मी रॉकेट’. काही तासांपूर्वी या चित्रपटाचे मोशन पोस्टर रिलीज झाले. अक्षय कुमारने हे पोस्टर शेअर केले. ‘हे रॉकेट आपल्या नव्या मिशनसाठी तयार आहे,’ असे हे पोस्टर त्याने शेअर केले.
अक्षयच्या या ट्वीटला तापसीने लगेच उत्तर दिले. ‘फोर्ब्सच्या बाबतीत मला माहित नाही. पण ही शर्यत मी नक्कीच जिंकू शकते,’ असे तिने अक्षयला उद्देशून लिहिले. तिचे ते उत्तर वाचून अक्षयने ‘मजे ले रही है तू,’ असे लिहिलेले एक मीम शेअर केले.