‘सूर्यवंशी’आधी अक्षय कुमार जर्मनीला जाऊन करणार हे खास काम!!

‘सूर्यवंशी’चे शूटींग येत्या एप्रिलमध्ये सुरु होतेय. पण या चित्रपटाचे काम सुरु करण्यापूर्वी अक्की जर्मनीत एक थेरपी घेणार आहे.

ठळक मुद्दे‘सूर्यवंशी’चे शूटींग सुरु करण्यापूर्वी अक्षयला ही थेरपी घेणे आवश्यक आहे. कारण यादरम्यान त्याला रखरखत्या उन्हात शूट करावे लागणार आहे. ‘केसरी’साठी आधीच त्याने बराच घाम गाळला आहे. त्यामुळे तूर्तास त्याला या थेरपीची नितांत गरज आहे.

बॉलिवूडचा सध्याचा सर्वात बिझी अभिनेता कोणता, तर अक्षय कुमार. होय, अक्षय सध्या सर्वाधिक बिझी स्टार आहे आणि का नसावा? अक्षयच्या नुकत्याच रिलीज झालेल्या सलग तीन चित्रपटांनी १०० कोटींपेक्षा अधिकची कमाई केली आहे. साहजिकच, अक्कीकडे एकापेक्षा एक दमदार प्रोजेक्ट आहेत. ‘केसरी’ हा त्याचा चित्रपट अलीकडेच प्रदर्शित झाला. या चित्रपटाचे शूटींग सुरु असतानाच त्याने ‘गुड न्यूज’चे श्ूटींग सुरू केले. आता लवरकच बॉलिवूडचा हा खिलाडी ‘सूर्यवंशी’ आणि ‘मिशन मंगल’ सारख्या चित्रपटात बिझी होणार आहे.

‘सूर्यवंशी’चे शूटींग येत्या एप्रिलमध्ये सुरु होतेय. पण या चित्रपटाचे काम सुरु करण्यापूर्वी अक्की जर्मनीत एक थेरपी घेणार आहे. थेरपी म्हटल्यावर अक्कीला झाले तरी काय? असा प्रश्न तुम्हाला पडेल. पण थांबा, अक्की अगदी ठणठणीत आहे. अक्षय जर्मनीला जातोय तो हाइड्रो थेरपीसाठी. या थेरपीत पाण्याच्या मदतीने शरीरीतील स्नायूंना आराम दिला जातो. यामुळे ब्लड सर्क्युलेशनही सुरळीत होते.  जे कलाकार स्वत:चे अ‍ॅक्शन सीन्स स्वत: करतात. ते सर्रास स्वत:ला फिट ठेवण्यासाठी या थेरपीची मदत घेतात. अक्षय दरवर्षी ही थेरपी घेतो. तज्ज्ञांच्या देखरेखीत ही थेरपी केली जाते.

‘सूर्यवंशी’चे शूटींग सुरु करण्यापूर्वी अक्षयला ही थेरपी घेणे आवश्यक आहे. कारण यादरम्यान त्याला रखरखत्या उन्हात शूट करावे लागणार आहे. ‘केसरी’साठी आधीच त्याने बराच घाम गाळला आहे. त्यामुळे तूर्तास त्याला या थेरपीची नितांत गरज आहे. यानंतर बॉलिवूडचा खिलाडी पुन्हा आपल्या अ‍ॅक्शन अवतारात परतणार, हे सांगणे नकोच.