अभिनेता रणबीर कपूर पंजाबी कुटुंबातील असून या कपूर खानदानाचे खाण्यावर नितांत प्रेम आहे. जर जेव्हा कधी तुम्ही सेटवर त्यांना भेटायला जाल तेव्हा ते खाताना दिसतील. जे काही खाण्यासाठी उपलब्ध असेल ते सर्व रणबीर खातो. मात्र आता तो वाट्टेल ते खाऊ शकणार नाही. असे का असा प्रश्न तुम्हाला पडला असेल ना. अभिनेत्री आलिया भट सध्या रणबीरच्या डाएटकडे लक्ष देते आहे.
आलिया भटनेरणबीर कपूरच्या डाएटची जबाबदारी घेतली आहे. ब्रह्मास्त्र चित्रपटात आलिया व रणबीर प्रमुख भूमिकेत दिसणार आहेत. हे दोघे सध्या या सिनेमाचे चित्रीकरण करत आहेत. या सेटवरील सूत्रांकडून मिळालेल्या माहितीनुसार, आलिया भट रणबीर कपूरच्या डाएटकडे लक्ष देत अाहे. इतकेच नाही तर तिने रणबीरसाठी डाएट चार्ट बनवला असून त्यातून जंक फूड काढून टाकले आहेत आणि रणबीर अालियाने सांगितलेला डाएटचे काटेकोरपणे पालन करतो आहे.अालिया भट व रणबीर कपूर हे दोघे एकत्र ब्रह्मास्त्र चित्रपटात झळकणार आहेत. ते दोघे रिलेशनशीपमध्ये असल्याचे बोलले जात आहे. मात्र अद्याप याबाबत त्या दोघांनी कबूली दिलेली नाही. नुकतेच आलिया भट रणबीर कपूरच्या कुटुंबासमवेत अमेरिकेत दिसली होती.ऋषी कपूर व नीतू कपूरला आलिया पसंद असल्याचे सूत्रांकडून समजते आहे. ते दोघे लवकरच विवाहबंधनात अडकण्याची शक्यता देखील वर्तवली जात आहे.