Ranbir-Alia Wedding : बॉलिवूड अभिनेत्री आलिया भट्ट (Alia Bhatt) आता रबणीरसोबत (Ranbir Kapoor) लग्न केल्यावर आलिया भट्ट-कपूर झाली आहे. सगळीकडून तिच्यावर शुभेच्छांचा वर्षाव होत आहे. आलिया भट्टच्या बॉडीगार्डनेही तिला लग्नाच्या खूप शुभेच्छा दिल्या आणि तिच्यासोबतचे फोटोही शेअर केले. यात रणबीर कपूरही दिसत आहे. आलिया भट्टचा बॉडीगार्ड सुनील टालेकर बऱ्याच वर्षांपासून तिच्या परिवाराची सिक्युरिटी बघतो. जेव्हा आलिया लहान होती तेव्हापासून सुनील त्यांच्यासोबत आहे. आता आलियाचं लग्न झालं तर सुनीलने भावुक होऊन तिला शुभेच्छा दिल्या.
सुनील टालेकरने इन्स्टाग्रामवर नव्या लग्न झालेल्या आलिया भट्ट आणि रणबीर कपूरसोबतचा फोटो शेअर केला. हा फोटो लग्नादरम्यानचा आहे. फोटो शेअर करत सुनीलने लिहिलं की, 'तुझ्या चिमुकल्या हातांना धरण्यापासून ते तुला नवरीच्या रूपात बघण्यापर्यंत, मला हे सांगायचं आहे की, माझं हृदय आनंदाने भरून आलं आहे'. या फोटोंना आलियाने लाइक केलं.
यासोबतच सुनीलने आणखी एक फोटो शेअर केला आहे ज्यात रणबीर कपूर आलियाला उचलून घेताना दिसत आहे. सुनील टालेकर सोशल मीडियावर चांगलाच अॅक्टिव असतो आणि आलियाचे नवे सिनेमेही प्रमोट करत असतो. त्याने एक थ्रोबॅक फोटोही शेअर केला होता. ज्यात छोटीशी आलियाही दिसत आहे. सोबत तिची आई सोनी राजदानही दिसत आहे. सुनील त्यांच्यासोबत आहे.
१४ एप्रिल २०२२ ला आलिया आणि रणबीर नेहमीसाठी एकमेकांचे झालेत. कपलच्या लग्नाचे फोटो सोशल मीडियावर व्हायरल झाले आहेत. सध्या दोघेही त्यांच्या कामात बिझी आहे. त्यामुळे रिपोर्ट्स असेही आहेत की, १७ तारखेला रिसेप्शन दिलं जाणार आहे. पण त्याची तारीख अजून कन्फर्म नाही. २०२२ मध्ये कपल ब्रम्हास्त्र सिनेमात एकत्र दिसणार आहे.