कार अपघातातून थोडक्यात बचावले बॉलिवूडचे हे प्रसिद्ध कपल, वाचा सविस्तर

हरियाणा जवळ हा अपघात झाला.

प्रसिद्ध अभिनेते अमोल पालेकर यांच्या बीएमडब्ल्यू कारचा हरियाणामधील पानीपत जवळ अपघात झाला. त्याची कार एका मारूती स्विफ्ट कारला धडकली. या अपघातातून ते व त्यांची पत्नी संध्या गोखले थोडक्यात बचावले. 

अमोल पालेकर व त्यांची पत्नी संध्या गोखले त्यांचे नाटक कसूरच्या प्रयोगासाठी दिल्लीतून रोडमार्गे चंदीगढला येत होते. या दुर्घटनेत त्यांच कारचे नुकसान झाले आहे. मात्र त्यांना व त्यांच्या पत्नीला कोणतीही दुखापत झाली नाही.

दुर्घटनेनंतर त्यांची दुसऱ्या कारमधील लोकांशी वाददेखील झाले. त्यानंतर पालेकर व त्यांची पत्नी दुसऱ्या कारने चंदीगढला पोहचले. या कारणामुळे त्यांचे नाटक उशीरा सुरू झाले.  

अभिनेते-दिग्दर्शक अमोल पालेकर यांनी तब्बल २५ वर्षांनंतर कसूर या हिंदी नाटकातून रंगभूमीवर पदार्पण केले आहे. अमोल पालेकर यांच्यासोबत या नाटकाचे लेखन व सहदिग्दर्शन संध्या गोखले यांनी केले आहे. या नाटकात अमोल पालेकर यांनी सेवानिवृत्त एसीपीची भूमिका साकारली आहे.