प्रसिद्ध अभिनेते अमोल पालेकर यांच्या बीएमडब्ल्यू कारचा हरियाणामधील पानीपत जवळ अपघात झाला. त्याची कार एका मारूती स्विफ्ट कारला धडकली. या अपघातातून ते व त्यांची पत्नी संध्या गोखले थोडक्यात बचावले.
अमोल पालेकर व त्यांची पत्नी संध्या गोखले त्यांचे नाटक कसूरच्या प्रयोगासाठी दिल्लीतून रोडमार्गे चंदीगढला येत होते. या दुर्घटनेत त्यांच कारचे नुकसान झाले आहे. मात्र त्यांना व त्यांच्या पत्नीला कोणतीही दुखापत झाली नाही.
दुर्घटनेनंतर त्यांची दुसऱ्या कारमधील लोकांशी वाददेखील झाले. त्यानंतर पालेकर व त्यांची पत्नी दुसऱ्या कारने चंदीगढला पोहचले. या कारणामुळे त्यांचे नाटक उशीरा सुरू झाले.