एकेकाळी चॉकलेट हिरो म्हणून लोकप्रिय झालेला अभिनेता बॉबी देओलने (Bobby Deol) Animal सिनेमातून दमदार कमबॅक केले आहे. बॉबीची क्रेझ परत आली आहे. जो तो बॉबीची भरभरुन स्तुती करताना दिसतोय. संदीप रेड्डी वांगा दिग्दर्शित Animal सिनेमात बॉबी देओलला अगदीच कमी स्क्रीनटाईम आहे. मात्र तरी त्याने इतक्या कमी वेळातच प्रेक्षकांच्या मनावर अधिराज्य केलंय. Animalच्या यशादरम्यान बॉबी देओलचा सिनेमा 'अपने २' आणि 'यमला पगला दीवाना ४'बाबत अपडेटसमोर आली आहे.
इंडिया टुडेला दिलेल्या मुलाखतीत बॉबी अपने २' आणि 'यमला पगला दीवाना ४'बाबत मोकळेपणे बोलला आहे. बॉबी म्हणाला, आम्हाला 'अपने २'ला घेऊन कोणतीच घाई नाही आहे. त्यामुळे आम्ही एक चांगल्या स्क्रिप्टच्या प्रतीक्षेत आहोत. एखादी मनाला स्पर्श करणारी स्क्रिप्ट मिळाल्यावर आम्ही लगेच त्यावर काम सुरु करु.
''यमला पगला दीवानाच्या पहिल्या पार्टने प्रेक्षकांचं भरपूर मनोरंजन केलं, पण पुढचे दोन पार्ट अयशस्वी ठरले. आम्हाला चाहत्यांना नाराज करायचं नाहीय, त्यामुळे जरी चांगली स्क्रिप्ट आली तर आम्ही त्याचा विचार करु.'' जर हा सिनेमा बनला तर यात बॉबी देओलची महत्त्वाची भूमिका असेल.
'अ‍ॅनिमल'मधली स्तुती, जमवले इतके कोटीसंदीप रेड्डी वंगा यांच्या 'अ‍ॅनिमल'मध्ये बॉबी देओल अबरार नावाच्या नकारात्मक भूमिकेत दिसला होता. यात त्यांचा एकही संवाद नव्हता कारण पात्र मूक होते. पण बॉबी देओलने १५ मिनिटांच्या भूमिकेत दबदबा निर्माण केला आणि त्याचे सर्वत्र कौतुक होत आहे . 'अ‍ॅनिमल'च्या कलेक्शनबद्दल बोलायचे झाले तर त्याने या सिनेमाने १२ दिवसांत बॉक्स ऑफिसवर ४५८ कोटींची कमाई केली. बॉबी देओलशिवाय या चित्रपटात रणबीर कपूर, रश्मिका मंदाना, तृप्ती डिमरी आणि अनिल कपूर यांच्याही भूमिका आहेत.