‘सुलतान’मध्ये सलमानसोबत अनुष्का!

सुपरस्टार सलमान खानसोबत ‘सुलतान’मध्ये नायिकेच्या भूमिकेसाठी अखेर अनुष्का शर्माच्या नावावर शिक्कामोर्तब झाले आहे. यशराज फिल्म्सने नुकतीच ही घोषणा केली. अनुष्का शर्माने २००८ मध्ये बॉलिवूडमध्ये पदार्पण केले होते. या निवडीनिमित्त सलमानला मिठी मारलेले एक छायाचित्र तिने ट्टिरवर पोस्ट केले आहे. खाली लिहले आहे- ‘सुलतान’. आदित्य चोप्रा हे या चित्रपटाचे निर्माते असूद दिग्दर्शन अली अब्बास जफर यांचे आहे. कर्जत येथे या चित्रपटाचे काही चित्रीकरण झाले आहे. कुश्तीपटूच्या आयुष्यावर हा चित्रपट आधारित आहे. या भूमिकेसाठी सलमानने अथक परिश्रम घेतले आहेत. यावर्षी ईदला चित्रपट प्रदर्शित होणार आहे.