बॉलिवूड अभिनेता अर्जुन कपूर (Arjun Kapoor) याचा आज वाढदिवस. आज 26 जून रोजी अर्जुन त्याचा 37 वा वाढदिवस साजरा करतोय. वाढदिवसाच्या दिवशी अर्जुन कपूर कुठे आहे तर त्याच्या लेडी लव्हसोबत दूर एका रोमॅन्टिक शहरात. होय, अर्जुन व त्याची लेडी लव्ह मलायका अरोरा (Malaika Arora) यांनी वाढदिवसाच्या सेलिब्रेशनसाठी जगातील सर्वात रोमँटिक शहर पॅरिसची निवड केली आहे.
आता पॅरिसमधील या दोघांचे रोमँटिक फोटोही समोर आले आहेत. अर्जुन कपूरने पॅरिस व्हेकेशनमधील त्याचे काही फोटो शेअर केले आहेत. ज्यामध्ये मलायकाही त्याच्यासोबत दिसत आहे. या फोटोमध्ये मलायका अर्जुनला आयफेल टॉवरकडे इशारा करुन दाखवत आहे. फोटोंमध्ये मलायका आणि अर्जुनच्या पाठीमागे थोड्या दूर अंतरावर आयफेल टॉवर दिसत आहे.
शेअर केलेल्या फोटोंमध्ये अर्जुन कपूर सेल्फी काढत आहे.तर मलायका पांढऱ्या बाथरोबमध्ये पोज देताना दिसत आहे. यामध्ये मलायका आणि अर्जुनचा रोमँटिक अंदाज दिसून येत आहे. दोघांची केमिस्ट्री जबरदस्त आहे. कपलची ही रोमॅन्टिक केमिस्ट्री चाहत्यांना चांगलीच भावली आहे.
मलायका व अर्जुन दीर्घकाळापासून रिलेशनशिपमध्ये आहेत. अरबाज खानपासून वेगळं झाल्यानंतर मलायका अर्जुनला डेट करत आहे. मलायका वयाने अर्जुनपेक्षा 12 वर्षांनी मोठी आहे. एका मुलाची आई आहे. वयाच्या फरकामुळे त्यांना अनेकदा सोशल मीडियावर ट्रोल केलं जातं. पण मलायका आणि अर्जुन हे दोघे एकमेंकासह खूप आंनदी असल्याचं दिसतं. 2019 मध्ये अर्जुनच्या वाढदिवसाच्यादिवशी त्यांनी आपल्या नात्याची अधिकृत घोषणा केली होती. मलायका व अर्जुन सर्वप्रथम लॅक्मे फॅशन वीकमध्ये एकत्र दिसले होते. यादरम्यानचे दोघांचे फोटो व्हायरल झाल्यावर त्यांच्या नात्याची चर्चा सुरू झाली होती.