भारतातील सर्वांत मोठा साहस रिअलिटी टेलिव्हिजन शो असलेल्या ‘एमटीव्ही रोडीज- जर्नी इन साउथ आफ्रिका’मध्ये पहिल्यांदाच एक नाही तर दोन सर्वोच्च विजेते मिळाले आहेत! आव्हाने, एलिमिनेशन्स, नाट्यमय वळणं आणि दक्षिण आफ्रिकेतील रोमांचक परिसरातील अनेक आठवड्यांच्या घडामोडींनंतर बडी जोडी आशिष भाटिया आणि नंदिनी हे नवीन सीजनचे ‘अल्टीमेट चँपियन्स’ ठरले आहेत. अभिनेता सोनू सूद होस्ट असलेल्या या सीजनची फिनाले अतिशय थरारक लढत होती, कारण सर्व फायनलिस्टसनी हे विशेष प्रतिष्ठेचे पद प्राप्त करण्यासाठी शर्थीची झुंज दिली होती. केप टाऊनमधील प्रसिद्ध व्हिक्टोरिया आणि आल्फ्रेड (व्ही अँड ए) जलाशयाजवळ या अनेक शहरांमधील मोहीमेची सांगता झाली.
सर्वोत्तम विरुद्ध सर्वोत्तम अशी लढत झालेल्या ग्रँड फिनाले ‘रेस टू द टॉप’ मध्ये असाधारण डावपेच, निश्चय आणि दृढतेची गरज होती. फायनलिस्टस बडी जोड्या केव्हीन अल्मासिफर- मूस जट्टाना, युक्ती अरोरा- जसवंत बोपन्ना, गौरव अलुग- सिमी तलसानिया आणि आशिष भाटिया- नंदिनी यांना एका अनपेक्षित व तब्बल ४ टप्पे असलेल्या खडतर रॉडीज शैलीच्या आव्हानाला सामोरे जावे लागले व केप टाऊनच्या रमणीय शहराजवळच्या त्यांच्या वाटचालीमध्ये धक्कादायक ट्विस्टस होते. नाट्यमय सस्पेन्सनंतर आशिष आणि नलिनी त्यांनी कष्टाने जिंकलेल्या मुकुटाचा ताज स्वीकारताना समोर आले! विजेत्यांच्या जल्लोषामध्ये सहभागी होताना हॉस्ट सोनू सूदनेही लाईव्ह साउथ आफ्रिकन संगीताच्या तालावर ठेका धरला.