स्टार प्रवाह (Star Pravah) वाहिनीवरील लोकप्रिय मालिका 'रंग माझा वेगळा' (Rang Maza Vegla) सध्या उत्कंठावर्धक वळणावर आली आहे. या मालिकेचे कथानक आणि पात्रांना रसिकांची पसंती मिळताना दिसते आहे. या मालिकेतील कलाकारांबद्दल जाणून घ्यायला चाहत्यांना आवडते. या मालिकेत अश्विनीची भूमिका अभिनेत्री वैशाली राहुल भोसले (Vaishali Rahul Bhosale) हिने साकारली आहे. ती सोशल मीडियावर सक्रीय असून ती या माध्यमातून चाहत्यांना अपडेट देत असते. दरम्यान तिची सोशल मीडियावरील लेटेस्ट व्हिडीओ चर्चेत आला आहे.
वैशाली भोसले हिने इंस्टाग्रामवर एक व्हिडीओ शेअर केला आहे. या व्हिडीओत ती साउथ इंडियन लूकमध्ये दिसते आहे. तिने हा लूक दिवाळीच्या निमित्ताने केलेल्या फोटोशूटसाठी केला आहे. या गेटअपमध्ये ती खूपच सुंदर दिसते आहे. तिच्या या व्हिडीओला चाहत्यांची खूप पसंती मिळताना दिसत आहे.
तिच्या या लूकसाठीचे श्रेय मेकअप आर्टिस्ट सायली मेखाला जाते. तर तिचे कॉश्च्युम रश्मीज द रेंटल बुटिकचा आहे. तिचे हे फोटोशूट सुरज शिंदेने केले आहे. तिच्या या व्हिडीओसोबत फोटोंनाही चाहत्यांची पसंती मिळताना दिसते आहे.