नवी दिल्ली - प्रसिद्ध टीव्ही अभिनेत्री तेजस्वी प्रकाशने नुकतीच ९० लाख रुपये किंमत असलेली जबरदस्त ऑडी कार खरेदी केली आहे. तेजस्वीने कार खरेदी केल्याची बातमी सोशल मीडियावर वेगाने पसरली. त्यानंतर अभिनेत्रीच्या कमाईबाबत माध्यमांमध्ये बातम्या प्रसारित होऊ लागल्या. जर तुम्हालाही तेजस्वीची कमाई किती आहे हे जाणून घ्यायचे असेल, तर पुढे वाचा
तेजस्वी एका पोस्टसाठी किती पैसे घेते?
'बिग बॉस १५' मधून बाहेर पडल्यानंतर तेजस्वी प्रकाश(Tejaswi Prakash) 'नागिन ६' मध्ये सतत तिची कलाकारी दाखवत आहे. तिच्या चाहत्यांची संख्या दिवसेंदिवस वाढत आहे आणि ती सोशल मीडियातही वेगळी ओळख निर्माण करत आहे. ती केवळ मालिकांमध्येच नाही तर ती एक मोठी सोशल मीडिया स्टार देखील बनली आहे. तिचे सध्या सोशल मीडियावर साडेपाच मिलियन फॉलोअर्स आहेत. तेजस्वी प्रकाश टीव्हीवरून लाखोंची कमाई करत असली तरी सोशल मीडियातूनही ती खूप चांगली कमाई करत आहे. वेबसाइट ‘बॉलिवूड लाईफ’च्या रिपोर्टनुसार, तेजस्वी प्रकाश इंस्टाग्रामवर पोस्ट करण्यासाठी १० ते १५ लाख रुपये आकारते.
'नागिन ६' च्या प्रति एपिसोडचे मानधन किती?
तेजस्वी प्रकाश 'नागिन ६' च्या एका एपिसोडसाठी दीड लाख रुपये घेते. 'बिग बॉस १५' जिंकल्यानंतर तिची फॅन फॉलोइंग खूप वाढली आहे. याआधी तिने ‘खतरों के खिलाडी’सारख्या रिअॅलिटी शोमध्ये काम केले आहे. याशिवाय तेजस्वीने स्वरागिनी, पेहरेदार पिया की आणि कर्ण संगिनी यांसारख्या मालिकांमध्ये काम केले आहे. तेजस्वीने अलीकडे मराठी चित्रपटातही काम केले आहे. लवकरच ती या चित्रपटाच्या शूटिंगलाही सुरुवात करणार आहे.
तेजस्वीच्या रिलेशनशिपची होतेय चर्चा
तेजस्वी प्रकाश सध्या तिच्या लव्ह लाईफसाठी चर्चेत आहे. तिची आणि करण कुंद्राची जोडी खूप पसंत केली जात आहे. अलीकडेच, अभिनेत्रीने एक नवीन कार खरेदी केली आहे आणि अभिनेता तिच्यासोबत दिसला होता. तेजस्वी आणि करण दररोज एकत्र दिसत आहेत, त्यांचे नाते 'बिग बॉस १५' पासून सुरू झाले आणि घरातून बाहेर पडल्यानंतरही ते कायम आहे.