२०२२ला निरोप देण्याआधी हृता दुर्गुळे करतेय ही खास गोष्ट, खुद्द तिनेच केला खुलासा

Hruta Durgule : अभिनेत्री हृता दुर्गुळे २०२२ हे वर्ष संपण्याआधी काही खास गोष्टी करते आहे. याबाबतची माहिती नुकतीच हृताने तिच्या सोशल मीडियावर फोटो शेअर करत दिली आहे.

२०२२ हे वर्ष शेवटच्या टप्प्यात येऊन ठेपले आहे. लवकरच नवीन वर्षाला सुरूवात होणार आहे. आपण २०२२ ला वेगवेगळ्या पद्धतीने गुड बाय म्हणतोय. तसंच वर्ष संपण्याआधी काही लोक त्यांच्या काही खास गोष्टी करून घेत आहेत. अभिनेत्री हृता दुर्गुळे (Hruta Durgule) २०२२ हे वर्ष संपण्याआधी काही खास गोष्टी करते आहे. याबाबतची माहिती नुकतीच हृताने तिच्या सोशल मीडियावर फोटो शेअर करत दिली आहे. 

२०२२ हे वर्ष सरता सरता हृता तिचे शेवटचं शूट करतेय. मेकअप रूम मधला फोटो शेअर करत तिने grateful for everything last shoot of 2022 असं लिहिलंय.  हृता सध्या तिच्या एका वेबसीरीजचं शूट करते आहे. वर्ष संपताना ती यावर्षीच शेवटचे शूटिंग करते आहे, असे तिने सांगितले. 

तसेच हृता दुर्गुळे हिने इंस्टाग्रामवर एक फोटो शेअर केला आहे. ज्यात ती व्हॅकेशनला जात असल्याचे दिसत आहे. तिचा हा फोटो एअरपोर्टवरील आहे. हा फोटो शेअर करत तिने शेवटच्या वर्षातला वेळ. व्हॅकेशन मोड. ख्रिसमसची सुट्टी. हृता नेमकी कुठे जाते आहे, हे अद्याप समजू शकलेले नाही. 

हृता ही मराठी इंडस्ट्रीतली नावाजलेली अभिनेत्री म्हणून ओळखली जाते. यंदाचं वर्ष हृतासाठी खूप खास ठरलंय. २०२२ मध्ये हृता प्रियकर प्रतीक शाहसोबत  लग्नबंधनात अडकली. याशिवाय हृताची मन उडू उडू झालं मालिका यावर्षीची टॉप मालिका ठरली. तसंच छोट्या पडद्यावरून हृता मोठ्या पडद्याकडे वळली. 

हृताचे बॅक टू बॅक दोन सिनेमे रिलीज झाले. अनन्या आणि टाईमपास ३ या सिनेमांमधून ती प्रेक्षकांच्या भेटीला आले. तिच्या टाईमपास ३ मधीलभूमिकेसाठी तिला तिचं पहिलं फिल्म अवॉर्ड देखील मिळालं. तसंच यावर्षी तिने तिचा तिसरा सिनेमा कन्नी देखील अनाऊंस केला आणि त्याच्या शूटिंगला सुरवात केली. तिचं दादा एक गुड न्यूज आहे नाटकं सुरपहिट ठरलं. याशिवाय आता हृता तिच्या पहिल्या वेबसीरीजच शूटिंगही करतेय.त्यामुळे हृतासाठी २०२२ हे वर्ष खूपच खास होते.