Bhool Bhulaiyaa 2 Release on OTT: बॉक्स ऑफिसनंतर आता ओटीटीवर धुमाकूळ घालण्यासाठी 'भूल भुलैया २' सज्ज

Bhool Bhulaiyaa 2 : 'भूल भुलैया २' हा चित्रपट लवकरच OTT वर प्रदर्शित होणार आहे. या घोषणेनंतर, चाहते खूप उत्सुक आहेत आणि OTT वर चित्रपट प्रदर्शित होण्याची उत्सुकतेने वाट पाहत आहेत.

कार्तिक आर्यन आणि कियारा अडवाणीचा चित्रपट 'भूल भुलैया २' बॉक्स ऑफिसवर धुमाकूळ घालत आहे. या चित्रपटाने बॉक्स ऑफिसवर प्रदर्शनासह जी पकड कायम ठेवली आहे, ते पाहता कार्तिक आणि कियारा या दोघांच्या जोडीने चाहत्यांच्या मनात घर केले आहे. दरम्यान, चाहत्यांसाठी आणखी एक मोठी बातमी आहे. बॉक्स ऑफिसवर प्रचंड यश मिळवल्यानंतर आता हा चित्रपट लवकरच ओटीटी प्लॅटफॉर्मवर प्रदर्शित होणार आहे.

'भूल भुलैया २' हा चित्रपट लवकरच OTT प्लॅटफॉर्म Netflix वर प्रदर्शित होणार आहे. नेटफ्लिक्सने सोशल मीडियावर पोस्ट करून याची घोषणा केली. चित्रपटाचा एक डान्स व्हिडिओ शेअर करत नेटफ्लिक्सने कॅप्शनमध्ये लिहिले - 'आम्ही दे ताली, दे ताली, दे ताली हे गाणे गात आहोत कारण 'भूल भुलैया २' लवकरच येत आहे.'

नेटफ्लिक्सच्या या पोस्टवरून हे स्पष्ट झाले आहे की कार्तिक आणि कियाराचा चित्रपट 'भूल भुलैया २' या OTT प्लॅटफॉर्मवर प्रदर्शित होणार आहे. पण ओटीटीवर कोणत्या तारखेला रिलीज होईल, हे अद्याप जाहीर करण्यात आलेले नाही. तथापि, नेटफ्लिक्सच्या या घोषणेनंतर, चाहते खूप उत्सुक आहेत आणि ते OTT वर चित्रपट प्रदर्शित होण्याची आतुरतेने वाट पाहत आहेत.