मराठी सिनेसृष्ट्रीतील हंडसम हंक अभिनेता अशी भूषण प्रधानची ओळख आहे. 'सतरंगी रे', 'मिस मॅच', 'टाईमपास', 'टाईमपास-2', 'कॉफी आणि बरंच काही' अशा विविध सिनेमांमध्ये भूषणनं भूमिका साकारल्या आहेत. या सिनेमांमध्ये त्याने साकारलेल्या भूमिका रसिकांच्या पसंतीस पात्र ठरल्या होत्या. पिंजरा या मालिकेमुळे त्याला खऱ्या अर्थाने लोकप्रियता मिळाली.
आपल्या फॅन्सशी भूषण प्रधान कायमच सोशल मीडियाच्या माध्यमातून कनेक्ट असतो. आपले आगामी सिनेमाचे फोटो, फिटनेसचे व्हिडिओ, हॉलिडेचे फोटो भूषण फॅन्ससाठी सोशल मीडियावर शेअर करत असतो. त्यामुळे त्याला त्याचे फॅन्सदेखील मोठ्या संख्येने सोशल मीडियावर फॉलो करतात. भूषणने त्याचा एक फोटो सोशल मीडियावर शेअर केला आहे. या फोटोत भूषण बोटीत झोपलेला दिसतोय. या फोटोत भूषण त्याचे पिळदार शरीरयष्टी दाखवतो आहे. भूषणाच्या फॅन्सना देखील त्याचा हा लूक आवडला आहे. भूषणच्या फोटोवर लाईक्स आणि कमेंट्सचा वर्षाव होतोय. कुणी त्याला कूल डूड, कडक, हिरो अशा कमेंट्स केल्या आहेत.
मराठीत मिळालेल्या यशानंतर भूषण प्रधान आता बॉलिवूडकडे वळला आहे.. या सिनेमात त्याच्या सोबत रायमा सेन दिसणार आहे. भूषण प्रधान पहिल्यांदाच रायमा सेनसोबत या चित्रपटाच्या निमित्ताने काम करतो आहे.या चित्रपटात भूषण व रायमा यांच्याव्यतिरिक्त अतुल कुलकर्णी, प्रथमेश परब व तेजश्री प्रधान प्रमुख भूमिकेत दिसणार आहेत.