बिग बॉस मराठी 2 चा विजेता शिव ठाकरे (Shiv Thakare) एका ब़ॉलीवूडच्या प्रसिद्ध अभिनेत्री सोबत झळकला आहे. बॉलीवूडची बोल्ड आणि हॉट अभिनेत्री मलायका अरोरासोबत (Malaika Arora) तो खास बॉलीवूड स्टाईलमध्ये रोमॅन्स करतोय. दोघांना एकत्र पाहून हिंदी मराठी सिनेसृष्टीत खास चर्चा रंगली आहे. .
शिव ठाकरेने हा व्हिडीओ आपल्या इंस्टाग्रामवर शेअर केला आहे. या व्हिडीओमध्ये मलायकाने पिवळ्या कलरचा फ्लोअर टच ड्रेस परिधान केला असून त्यावर लाँग मरुम कलरचे जॅकेट परिधान केले आहे. तर शिवने मलायकाच्या जॅकेटला मॅच होईल असा कोट परिधान केला आहे.
दोघांनीही बॉलीवूडचा किंग खान शाहरुखचा ओम शांती ओम या चित्रपटातील लोकप्रिय गाणं 'आखो मे तेरी अजब सी' वर रोमँटिक रील बनवली आहे. दोघांचा हा व्हिडीओ सध्या सोशल मीडियावर तुफान व्हायरल होत आहे. मलायकाच्या चाहत्यांमध्ये तर एक वेगळीच चर्चा रंगली आहे. मराठी सिनेसृष्टीत मलायका एन्ट्री करणार असल्याचे चाहते म्हणत आहेत.