'बिग बॉस 12' मधील प्रत्येक दिवस स्पर्धकांसाठी कठीण होत चालला आहे. त्यात बिग बॉसच्या घरात काही मिळवायचं असेल तर स्पर्धकांना बराच घाम गाळावा लागतो. त्यातच आता स्पर्धकांना ज्वालामुखी हा टास्क करुन लक्झरी बजेट मिळवावं लागणार आहे. त्यासाठी दीपिका, नेहा, श्रृष्टी, करणवीर, श्रीसंत यांची टीम रोमी, जस्लीन, सबा, दीपक, सौरभ यांच्या टीमशी दोन हात करणार आहे. सुरभी आणि सोमी या कार्याचे संचालक असतील. त्यासाठी ज्वालामुखीसदृश्य ब्लास्ट होईल आणि निरनिराळ्या रंगाचे बॉल त्यातून बाहेर पडतील.
हे रंगीबेरंगी बॉल प्रत्येक टीमच्या सदस्याला देण्यात आलेल्या काचेच्या भांड्यात जमा करायचे आहेत. हे बॉल जमा करण्यासह प्रतिस्पर्ध्यापासून त्या बॉलचं रक्षणही करायचे आहे. कारण हे बॉल मिळवण्यासाठी स्पर्धक कोणत्याही थराला जातील.
शिवाय ते छतावर चढतील, स्विमिंग पूलमध्ये उतरतील किंवा प्रतिस्पर्ध्यांकडून बॉल मिळवण्यासाठी कडवी झुंज पाहायला मिळेल. एका ठराविक कालावधीनंतर एक आवाज होईल आणि त्यातंतर दोन्ही टीमच्या एकेक सदस्याकडे किती बॉल जमा आहेत ते मोजलं जाईल. कमी बॉल असणारा स्पर्धक या टास्कमधून बाद होईल. या टास्कच्या अंती शेवटचे तीन सदस्य या आठवड्याच्या कॅप्टनपदासाठी पात्र ठरतील.
अनुप जलोटा आणि जसलीन मथारू या जोडीने ‘बिग बॉस 12’च्या घरात एन्ट्री घेतली तेव्हापासून ही जोडी चर्चेत आहे. आत्तापर्यंत ‘बिग बॉस 12’घरात अनूप व जसलीनचा हसत-खेळत प्रवास सुरु होता. पण काल झालेल्या एका नॉमिनेशन टास्कने या जोडीच्या नात्यात कायमचा दुरावा निमाण केला. काल झालेल्या या नॉमिनेशन टास्कमध्ये एक सिंगल कंटेस्टंट कुण्या एका जोडीदाराला जायबंदी करणार होता. त्याला सोडवण्यासाठी त्याच्या जोडीदाराला सिंगल कंटेस्टंट सांगेल त्या वस्तूचा त्याग करणे बंधनकारक होते. या टास्कमध्ये दीपिका कक्कडने अनूप जलोटा यांनी बंदी बनवले. यानंतर दीपिकाने अनूप यांच्या सुटकेच्या बदल्यात त्यांची जोडीदार जसलीनला तिचे सगळे कपडे, मेकअप त्याग करण्यास तसेच केस कापण्यास सांगितले. आधी जसलीनने हे सगळे करण्यास होकार दिला. नंतर नंतर ती पलटली. एक कलाकार या नात्याने कपडे किती महत्त्वाचे आहेत, हे तिने दीपिकाला समजावण्याचा प्रयत्न केला. पण दीपिका आपल्या म्हणण्यावर ठाम होती. अखेर जसलीनने कपड्यांचा त्याग करण्यास व केस कापण्यास नकार दिला, झाले, हीच गोष्ट अनूप यांच्या मनाला लागली. तू माझ्यासाठी कपड्यांचा त्याग करू शकत नाहीस? असा प्रश्न त्यांनी जसलीनला केला़ पण तोपर्यंत वेळ निघून गेली होती.