Video: देवोलीनाने बिचुकलेंना दिली कुत्र्याची उपमा; संतापलेल्या अभिजीतने केली घरात तोडफोड

Bigg boss15:'बिग बॉस १५' चा एक प्रोमो सध्या व्हायरल होत आहे. यात घरामध्ये आज BB गिफ्ट शॉप हा टास्क रंगणार आहे. या टास्कमध्ये अभिजीत- देवोलीनामध्ये वाद होणार आहे.

छोट्या पडद्यावरील वादग्रस्त शो म्हणून कायम चर्चेत येणाऱ्या 'बिग बॉस १५' चा (Bigg Boss 15 Finale)  ग्रँड फिनाले अवघ्या दोन आठवड्यांवर येऊन ठेपला आहे. त्यामुळे टिकट टू फिनाले टास्कमध्ये (Ticket To Finale Task) जिंकून थेट फायनलमध्ये पोहोचण्यासाठी प्रत्येक स्पर्धक कसोशीने प्रयत्न करत आहे. परंतु, या टास्कमध्ये घरातील प्रत्येक स्पर्धक एकमेकांवर कुरघोडी करण्याचा प्रयत्न करत आहेत. यामध्येच गेल्या काही दिवसांपासून चर्चेत येत असलेल्या अभिजीत बिचुकले (abhijit bichukale) आणि देवोलीना भट्टाचार्जी (devoleena bhattacharjee) या दोघांमध्ये पुन्हा जोरदार भांडण झालं आहे. 'बिग बॉस १५' चा एक प्रोमो सध्या व्हायरल होत आहे. यात घरामध्ये आज BB गिफ्ट शॉप हा टास्क रंगणार आहे. या टास्कमध्ये अभिजीत- देवोलीनामध्ये वाद होणार असून देवोलीना अभिजीतला शिवीगाळ करतांना दिसत आहे.

सध्या व्हायरल होत असलेल्या प्रोमोमध्ये घरातील दोन -दोन सदस्यांच्या जोड्या करायच्या आहेत. या जोडीने गिफ्ट तयार करुन अन्य स्पर्धकांना ते विकायचे आहेत. यात काही स्पर्धक त्यांनी तयार केलेले गिफ्ट घेऊन शॉपकिपर बिचुकले यांच्याकडे जातात. परंतु, बिचुकले या सगळ्या गिफ्ट्सला रिजेक्ट करतो. ज्यामुळे शमिता शेट्टी, निशांत भट्ट आणि देवोलीना खूश होतात. परंतु, त्यानंतर बिग बॉस हा टास्क रद्द करतात. ज्यामुळे देवोलीना अभिजीत बिचुकलेंवरच चिडतांना दिसते. 

देवोलीनाने बिचुकलेंना दिली कुत्र्याची उपमा

बिग बॉसने टास्क रद्द केल्यानंतर घरातल्यांमध्ये चर्चा रंगते. मात्र, ही चर्चा सुरु असताना देवोलीना अचानकपणे बिचुकलेंवर संतापते. इतकंच नाही तर, ''तू कुत्रा आहेस. माणसं तर कुत्र्यांपेक्षा खालच्या पातळीवर जाऊन वागतात. पण, तू तर खालच्या पातळीचाच आहेस", असं देवोलीना म्हणते. तिच्या या वागण्यावर बिचुकले तिला नीट बोल असं सांगतात. परंतु, ती अजून जोरजोरात भांडण करताना दिसते.

बिचुकलेंनी केली घरात तोडफोड

देवोलीनाने कुत्र्याची उपमा दिल्यानंतर रागात असलेल्या बिचुकलेंनी स्वयंपाक घरात जाऊन सामानाची आदळआपट केली. परंतु,आता या दोघांमधील वाद नेमका कशामुळे झाला हे येत्या भागातच प्रेक्षकांना कळणार आहे.