Bigg Boss 15 : छोट्या पडद्यावरील लोकप्रिय आणि तितकाच वादग्रस्त रिअ‍ॅलिटी शो म्हणजे बिग बॉस. फिनालेआधी शोमध्ये वेगवेगळ्या गोष्टी घडताना दिसत आहेत. रविवारी बिग बॉसचे काही माजी स्पर्धक व काही टीव्ही सेलिब्रिटी शोच्या स्पर्धकांना सपोर्ट करताना दिसले. याचदरम्यान असं काही घडलं की, पाहून सर्वांच्याच भुवया उंचावल्या. होय, बिग बॉसची माजी स्पर्धक नेहा भसीन (Neha Bhasin) आणि अभिजीत बिचुकले (Abhijeet Bichukale ) यांच्यात असं काही बिनसलं की, त्याचीच चर्चा रंगली.सुरुवातीला शोमध्ये आलेल्या स्पेशल सेलिब्रिटींनी त्यांच्या चाहत्या स्पर्धकांच्या चुका सांगितल्या. पुढे आता काय केलं पाहिजे, त्याच्याही टीप्स दिल्यात. याचदरम्यान, नेहा ही अभिजीतवर भडकताना दिसली.
‘पैर की जूती बोलेंगे ना, जूते से मारूंगी आपको अंदर आकर..., असं नेहा अभिजीत बिचुकलेला म्हणते. तिची ही धमकी ऐकून बिचुकले भलताच भडकतो आणि ‘तेरी भाभी आई ना, टकली करेगी तुझको..., असं तो म्हणतो.अभिजीतचं हे वागणं बघून सगळ्यांनाच धक्का बसतो. सलमानला सुद्धा धक्का बसतो.
त्याआधी सलमान खान बिचुकलेचा क्लास घेताना दिसना होता. बिग बॉसच्या घरात गेल्या आठवड्यात देण्यात आलेल्या टास्कमध्ये अभिजीत बिचुकलेने देवोलीना आणि प्रतीक सहजपाल यांना अपशब्द वापरले. त्यावरून सलमान चांगलाच संतापला होता.‘तुझ्या घरातल्यांना कुणी शिवीगाळ केली तर तुला कसं वाटेल? मी तुला शेवटचं बजावतो. घरात घुसून तुझे केस पकडून तुला घराबाहेर काढेन. नाही तर घरात घुसून मारेन, असं सलमान म्हणतो. त्यानंतर बिचुकले लिविंग एरियामधून उठून एक्झिट गेटकडे जाताना दिसला होता. ‘खड्यात गेला शो, मला अशा शोमध्ये थांबायचं नाही. दरवाजा उघडा,’ असं बिचुकले म्हणाला होता. अर्थात बिचुकले अद्यापही घरात आहे. आता तो पुढे काय काय धुमाकूळ घालतो, हे दिसेलंच.