Bigg Boss 16 फेम शिव ठाकरे शिवतीर्थवर; भेटीमागचं 'राज' काय?

या भेटीमागचं कारण अद्याप गुलदस्त्यात आहे. शिव आणि राज ठाकरे यांच्या भेटीमुळे अनेकांच्या भुवया उंचावल्या आहेत.

बिग बॉस १६(Bigg Boss 16)च्या माध्यमातून घराघरात पोहचलेला शिव ठाकरे (Shiv Thakare) सध्या चर्चेत आहेत. त्याची एक झलक पाहण्यासाठी लोकांची गर्दी होते. एवढेच नाही तर सोशल मीडियावर त्याला प्रेक्षकांचे भरभरून प्रेमही मिळत आहे. शिव ठाकरेने 'बिग बॉस १६'ची ट्रॉफी जिंकली नसली तरी लोकांची मनं जिंकली आहेत. बिग बॉस'नंतर त्याला लॉटरी लागली आहे. 'खतरों के खिलाडी १३' मध्ये दिसणार तो आहे. यासह सलमान खानच्या सिनेमातही तो झळकर असल्याचे वृत्त समोर येत आहे. दरम्यान आज शिव ठाकरे एका वेगळ्याच कारणामुळे चर्चेत आला आहे. शिवने शनिवारी(आज) राज ठाकरेंच्या निवासस्थानी जाऊन भेट घेतली आहे.

शिवने शिवतीर्थवर जाऊन मनसे अध्यक्ष राज ठाकरे यांची भेट घेतली. या भेटीदरम्यानचे फोटो सोशल मीडियावर देखील व्हायरल झाले. यावेळी शिवतीर्थवर मनसे चित्रपट सेनेचे अध्यक्ष अमेय खोपकरही उपस्थित होते. आता शिवने राज ठाकरेंची राजकीय कारणास्तव भेट घेतली की अन्य कोणत्या दुसऱ्या गोष्टीसाठी हे काही कळलेले नाही. या भेटीमागचं कारण अद्याप गुलदस्त्यात आहे. शिव आणि राज ठाकरे यांच्या भेटीमुळे अनेकांच्या भुवया उंचावल्या आहेत. 

शिव ठाकरे लवकरच एका म्युझिक व्हिडिओमध्ये दिसणार आहेत. या म्युझिक व्हिडिओमध्ये त्याच्यासोबत अभिनेत्री निमरत कौर अहलुवालिया दिसणार आहे. याशिवाय शिव ठाकरे एकता कपूरच्या 'लॉकअप २'मध्ये दिसणार असल्याच्याही चर्चा सुरू आहेत.