Bigg Boss 16, Raj Kundra: 'बिग बॉस'मध्ये दिसणार शिल्पा शेट्टीचा पती राज कुंद्रा, CD प्रकरणामुळे चर्चेत!

Bigg Boss 16, Raj Kundra: बॉलीवूड अभिनेता सलमान खान सुत्रसंचलन करत असलेल्या बिग बॉस या रिआलिटी शोचा १६ वा सीझन लवकरच प्रेक्षकांच्या भेटीला येणार आहे. नव्या सीझनची माहिती समोर येताच यावेळी बिग बॉसच्या घरात नेमकं कोण-कोण दिसणार याची चर्चा सुरू झाली आहे. यात अनेक कलाकारांची नावं समोर येत आहे. पण आता या चर्चेतल्या नावांमध्ये एक असं नाव घेतलं जात आहे की ज्यानं नक्कीच या सीझनलाही मनोरंजनाचा तडका मिळू शकतो. चित्रफीत प्रकरणी चर्चेत असलेला उद्योगपती आणि अभिनेत्री शिल्पा शेट्टी हिचा पती राज कुंद्रा 'बिग बॉग-१६' मध्ये स्पर्धक म्हणून दिसणार असल्याची माहिती समोर आली आहे. 

समोर आलेल्या माहितीनुसार सलमान खानच्या रिआलिटी शो बिग बॉसमध्ये अभिनेत्री शिल्पा शेट्टी हिचा पती राज कुंद्रा देखील पाहायला मिळण्याची शक्यता आहे. रिपोर्टनुसार बिग बॉस-१६ कडून राज कुंद्राला विचारणा करण्यात आली आहे. कार्यक्रमाचे निर्माते आणि राज कुंद्रा यांच्यात याबाबतची चर्चा सुरू असल्याचं सांगितलं जात आहे. राज कुंद्रा देखील बिग बॉसमध्ये सहभागी होण्याच्या दृष्टीनं विचार करत आहे. आपली खरी बाजू देशाला आणि प्रेक्षकांना समजावी यासाठी राज कुंद्रा बिग बॉसमध्ये सहभागी होण्याचा निर्णय घेऊ शकतात असं सांगितलं जात आहे. 

शमिता शेट्टीनंही वेधलं होतं लक्ष
बिग बॉसमध्ये याआधीच्या सीझनमध्ये शिल्पा शेट्टी यांची बहिण शमिता शेट्टी पाहायला मिळाली होती. शमिताला प्रेक्षकांनी चांगली पसंती दिली होती. शमिताचा दबंग अंदाज लोकांना आवडला होता. पण विजेतेपद प्राप्त करण्यात तिला अपयश आलं होतं. 

Read in English