बॉलीवूड अभिनेता अक्षय कुमार संदर्भात सध्या सोशल मीडियावर एक बातमी व्हायरल झाली आहे. यात अक्षय कुमार जवळ स्वत:चे २६० कोटींचे खासगी विमान असल्याचे सांगितले जात आहे. यावरुन अक्षय कुमारवर आरोप सुरू आहेत. यावर आता खुद्द अक्षय कुमारने ट्विटरवरुन खुलासा केला आहे. हे सर्व आरोप त्यांनी खोटे असल्याचे म्हटले आहे.
"खोट, खोट...! हे लहानपणी ऐकले आहे? काही लोक असंच मोठी झालेली नाहीत आणि मी त्यांना त्यापासून दूर ढकलण्याच्या मूडमध्ये नाही. माझ्याबद्दल निराधार खोटे लिहित राहा. तुमच्यासाठी. "वन पँट ऑन फायर #POFbyAK", असं ट्विटमध्ये अक्षय कुमारने म्हटले आहे.
Bigg Boss Marathi 4 : बिग बॉस मराठीच्या घरामधून हा सदस्य पडला बाहेर !
अक्षय कुमार, जॅकलीन फर्नांडिस, नुसरत भरुचा, नस्सर आणि सत्यदेव कंचराना यांचा आगामी चित्रपट येत आहे. अभिषेक शर्मा दिग्दर्शित हा चित्रपट दिवाळीच्या मुहूर्तावर २५ ऑक्टोबरला प्रदर्शित होणार आहे. काही दिवसांपूर्वी निर्मात्यांनी चित्रपटाचा ट्रेलर लाँच केला होता, ज्यामध्ये अक्षय कुमार पुरातत्वशास्त्रज्ञाच्या भूमिकेत आहे. राम सेतूमध्ये अक्षय रामायणातील रामाने बांधलेल्या पुलाचे परीक्षण करताना दिसणार आहे.
अक्षय कुमारने नुकताच या चित्रपटाचा ट्रेलर इंस्टाग्राम हँडलवर शेअर केला आहे. "तुम्हाला #RamSetu चा पहिला लुक आवडला... आशा आहे की तुम्ही ट्रेलरला आणखी प्रेम दाखवाल.", अशी कॅप्शनही त्याने या पोस्टला दिली आहे.
अक्षय कुमार रकुल प्रीत सिंगसोबत कठपुतलीमध्ये दिसला होता. यानंतर, तो सुर्याच्या तामिळ चित्रपट सूरराई पुथारू, सेल्फी आणि OMG 2 - ओह माय गॉडच्या हिंदी रिमेकमध्ये दिसणार आहे.