'100MB'...!! सचिन तेंडुलकर गाणार, तेही सोनू निगमसोबत!

काल-परवा सोशल मीडियावर एक फोटो व्हायरल झाला होता. या फोटोत क्रिकेटचा देव अर्थात सचिन तेंडुलकर आणि पार्श्वगायक सोनू निगम पाठमोरे उभे असलेले दिसले होते. शिवाय फोटोत सोनू निगमच्या हातात बॅट दिसत होती तर सचिन तेंडुलकरच्या हातात माईक़ तेव्हापासून या फोटोमागचे ‘रहस्य’ काय, हे जाणून घेण्यासाठी सगळेच बैचेन झाले होते. अनेकांनी हा फोटो सचिनच्या आयुष्यावर बनणा-या ‘सचिन’ या चित्रपटाशी संबंधित असल्याचा अंदाज व्यक्त केला होता. पण असे काहीही नाहीय. कारण आता या फोटोमागचे रहस्य उघड झाले आहे.होय, सचिन व सोनूचा येत्या रविवारी रात्री दहा वाजता एकत्र गाताना दिसणार आहेत. आणखी खोलात सांगायचे तर हा फोटो सचिनच्या नव्या डिजिटल इनिंगची साक्ष देणारा आहे. सचिनने १०० एमबी नावाच्या मोबाईल अ‍ॅपचा शुभारंभ केला आहे. या अ‍ॅपवर सचिनशी निगडीत सगळ्या बातम्या, किस्से मिळतील. म्हणजे, चाहत्यांना सचिनशी संबंधित माहितीसाठी इकडे तिकडे भटकावे लागणार नाही. कारण या अ‍ॅपवर त्याच्याबद्दलची खडा न् खडा माहिती उपलब्ध असेल. १०० एमबी यातील एमबीचा अर्थ ‘मास्टर ब्लास्टर’ असा आहे. तर १०० हा आकडा कदाचित सचिनच्या १०० शतकांच्या विक्रमाचा द्योतक आहे. सचिनने या अ‍ॅपचा शुभारंभ करताना एक व्हिडिओ मॅसेज tweet केला आहे. 

Welcome to the start of my Digital Innings! Download 100MB Now @AppStore#AppStore#100MB#digitalinningshttps://t.co/jIoKVw6rUppic.twitter.com/MUkjmTcCt7— sachin tendulkar (@sachin_rt) 30 March 2017

माझ्यासोबत या! यासाठी आम्ही १०० एमबी नामक एक नवा प्लॅटफॉर्म तयार केलेला आहे. माझ्याशी संबंधित सगळी माहिती या एका प्लॅटफॉर्मवर मिळेल, असा आमचा प्रयत्न आहे. मग ती माहिती सोशल मीडिया अपडेटबद्दल असो वा माझ्या खासगी आयुष्याबद्दलची, असे त्याने या मॅसेजमध्ये म्हटले आहे.या अ‍ॅपचे प्रमोशनल सॉग सचिन व सोनूने गायले आहे. येत्या रविवारी रात्री १० वाजता सचिन व सोनूची जुगलबंदी चाहत्यांना पाहता येणार आहे. क्रिकेटचा देव चक्क सोनूसोबत गाताना यात दिसणार आहे. आहे ना मज्जा!!