शाहरुख खान(Shahrukh Khan)चा चित्रपट पठाण (Pathaan) २५ जानेवारीला रिलीज झाला होता. या चित्रपटाने रिलीजच्या पहिल्या दिवसांपासून बॉक्स ऑफिसवर दमदार कमाई करत आहे. इतकेच नाही तर एकानंतर एक विक्रम मोडीत काढत आहे. मात्र आता पठाणनं आमिर खान(Aamir Khan)चा बॉक्स ऑफिसवरचा १४ वर्षांपूर्वीचा रेकॉर्ड मोडला आहे. हा रेकॉर्ड मोडल्यानंतर आमिर खानचे चाहते १४ वर्षे बॉक्स ऑफिसवर टॉपमध्ये राहिल्याचा आनंद साजरा करत आहेत. यासोबतच सोशल मीडियावर #14YearsOnTheTop ट्रेंड होताना दिसत आहे.
आमिर खानचा बऱ्याच कालावधीपासून कोणताच चित्रपट बॉक्स ऑफिसवर हिट झाला नाही. मात्र असे असूनही आमिर खान बॉक्स ऑफिसवर मागील १४ वर्षांपासून टॉपवर होता. खरेतर आमिर खान गेल्या कित्येक वर्षांपासून स्वतःचा रेकॉर्ड बनवत होता आणि तोच तोडत होता. जेव्हा आमिरचा गजनी रिलीज झाला होता तेव्हा कोणलाच एवढा अंदाज नव्हता की हा चित्रपट इतका सुपरहिट ठरेल. विशेष बाब म्हणजे गजनी सिनेमाचा रेकॉर्ड आमिरच्या ३ इडियट्सने मोडला होता.