सध्या सिनेमागृहात न जाता ओटीटी वरच चित्रपट आणि वेबसिरीज बघण्याचे प्रमाण वाढले आहे. सिनेमा कधी आणि कोणत्या ओटीटीवर येतोय याची सर्वजण वाट बघत असतात. घरी बसून मस्तपैकी सिनेमा आणि वेब सीरिजचा आनंद लुटण्यासाठीही प्रेक्षक तयार असतात.
स्पटेंबर महिना खूपच मनोरंजनात्मक असणार आहे. या आठवड्यात प्रेक्षकांना मर्डर मिस्ट्री, थ्रिलर चित्रपट आणि वेब सीरिज ओटीटीवर पाहता येणार आहेत. नवाजुद्दीन सिद्दीकीच्या बहुप्रतिक्षित चित्रपट 'हड्डी' पासून ते 'स्पाई ऑप्स' पर्यंत काही चित्रपट आणि वेब सीरिज ओटीटीवर प्रेक्षकांच्या भेटीस येणार आहेत. जाणून घेऊयात या वेब सीरिज आणि चित्रपटांबद्दल..
'इनसिडियस: चॅप्टर 3'
मोस्ट अवेटेड वेब सिरीज 'इनसिडियस'चा तिसरा चॅप्टर ५ सप्टेंबरला रिलीज होत आहे. जर तुम्ही या चित्रपटाची वाट पाहत असाल, तर तुम्ही हा चित्रपट OTT प्लॅटफॉर्म Netflix वर पाहू शकता.
द लिटिल मरमेड
डिस्ने+हॉटस्टारवर ६ सप्टेंबर रोजी येणारा 'द लिटिल मरमेड' हा एक चांगला चित्रपट आहे. किंग ट्रायटनची सर्वात लहान मुलगी एरियल ही एक अतिशय सुंदर जलपरी आहे. जी एका राजकुमाराच्या प्रेमात पडते. या चित्रपटाची कथा तुम्हाला खिळवून ठेवणारी आहे.
'आय अ‍ॅम ग्रूट'सीझन 2
मार्व्हल्सच्या सुपरहिरो चित्रपटांचे जगभरात चाहते आहेत. अशातच ग्रूटच्या चाहत्यांसाठी एक गुड न्यूज आहे. 'आय अ‍ॅम ग्रूट'चा दुसरा सीझन 6 सप्टेंबर रोजी OTT प्लॅटफॉर्म डिस्ने प्लस हॉटस्टारवर रिलीज होत आहे.
हड्डी
नवाजुद्दीन सिद्दीकीचा बहुप्रतिक्षित चित्रपट 'हड्डी' ७ सप्टेंबरपासून ZEE5 वर प्रदर्शित होणार आहे. विशेष म्हणजे या चित्रपटात नवाजुद्दीन एका ट्रान्सजेंडरच्या भूमिकेत दिसणार आहे. चाहते या चित्रपटाची आतुरतेने वाट पाहतोय.
व्हर्जिन रिव्हर आता 'व्हर्जिन रिव्हर'चा पाचवा सीझन रिलीज होण्यासाठी सज्ज आहे. ही वेब सिरीज ७ सप्टेंबरपासून प्रसारित होणार आहे. व्हर्जिन रिव्हर ही एक अमेरिकन रोमँटिक ड्रामा आहे. तुम्हाला जर रोमान्स आणि सस्पेन्स यांचं कॉम्बिनेशन हवं असेल तर तुम्ही ही सिरीज पाहू शकाकतात
कुंग फू पांडा द ड्रॅगन नाइट: सीझन 3
अ‍ॅक्शनचा तडका असलेला 'कुंग फू पांडा द ड्रॅगन नाइट'चा तिसरा सीझन 7 सप्टेंबर रोजी येत आहे. तुम्ही ही वेब सिरीज OTT प्लॅटफॉर्मवर पाहू शकता.
टॉप बॉय सीझन 3
७ सप्टेंबरपासून तुम्ही OTT प्लॅटफॉर्म Netflix वर 'टॉप बॉय सीझन 3' पाहू शकता. समर हाऊसचा 'टॉप बॉय म्हणून कोण राज्य करू शकेल हे ठरवण्यासाठी सुली आणि दुशान यांची आता शेवटची चाचणी घेतली जाईल. यापुर्वी 'टॉप बॉय'चे दोन सीझन आले आहेत. पहिला सीझन २०१९ मध्ये तर दुसरा सिझन २०२२ मध्ये आला होता.
'बर्निंग बॉडी
'बर्निंग बॉडी' ८ सप्टेंबरपासून नेटफ्लिक्सवर प्रदर्शित होणार आहे. आर्केडिया मोशन पिक्चर्सचा हा चित्रपट 2017 च्या वास्तविक घटनेवर आधारित आहे. ज्यामध्ये बार्सिलोनामध्ये एका तलावात एक व्यक्ती जळलेल्या अवस्थेत आढळून आली.
स्पाय ऑप्स
'स्पाय ऑप्स' हा चित्रपट 8 सप्टेंबरला नेटफ्लिक्सवरही प्रदर्शित होत आहे. हेरगिरी आणि सत्तापालटाभोवती फिरणारी चित्रपटाची कथा MI6 आणि CIA वर आधारित आहे. चित्रपटात तुम्हाला खूप काही पाहायला मिळेल.