बॉलिवूड सुपरस्टार आमिर खान याच्याबद्दलची एक मोठी बातमी आहे. होय, ताजी चर्चा खरी मानाल तर आमिरने मुंबईत कोट्यवधी रूपयांची प्रॉपर्टी खरेदी केली आहे. बॉलिवूड लाईफने दिलेल्या वृत्तानुसार, आमिरने मुंबईच्या सांताक्रूज भागातील एसव्ही रोडवरची ३५ कोटी रूपयांची प्रॉपर्टी खेरदी केली. प्रॉडक्शन प्रायव्हेट लिमिटेडच्या नावाने खरेदी करण्यात आलेल्या या प्रॉपर्टीसाठी आमिरने २.१ कोटींची स्टँप ड्युटी भरली.
प्राईम प्लाजामधील दुस-या व तिस-या माळ्यावरचे दोन कमर्शिअल ब्लॉक आमिरने खरेदी केले आहेत. याठिकाणी आमिर त्याचे प्रॉडक्शन हाऊस सुरु करणार असल्याचा दावा सूत्रांनी केला आहे. आमिर गेल्या अनेक दिवसांपासून यासाठी जागेच्या शोधात होता.
‘लाल सिंग चड्ढा’ हा चित्रपट अद्वैत चंदन दिग्दर्शित करणार आहे. अद्वैतने यापूर्वी ‘सीक्रेट सुपरस्टार’ हा चित्रपट दिग्दर्शित केला होता. या चित्रपटाने बॉक्स ऑफिसवर धूम केली होती. गतवर्षी आलेला आमिरचा ‘ठग्स ऑफ हिंदोस्तान’ हा चित्रपट दणकून आपटला होता. त्यामुळे ‘लाल सिंग चड्ढा’ या चित्रपटाकडून आमिरला विशेष अपेक्षा आहेत.