आमिर खानला करायचे आहे या चित्रपटाच्या सीक्वलमध्ये काम

मी. परफेक्शनिस्ट आमिर खानची सध्या सरफरोशच्या सीक्वलला घेऊन चर्चेत आहेत. 1999 साली आलेल्या जॉन मैथ्यू मत्थन दिग्दर्शित चित्रपट सुपरहिट गेला होता. या चित्रपटात आमिर खानने एक निर्भिड पोलिस अधिकाऱ्याची भूमिका साकारली होती. आमिरला एका इव्हेंट दरम्यान हाच प्रश्न विचारण्यात आला कि सध्या सरफोशच्या सीक्वलची चर्चा आहे तर तुला त्यात काम करायला आवडले का? यावर आमिर खान म्हणाला कि मला पुन्हा एकदा एसीपी राठौरची भूमिका साकारायला आवडले.दिवाळीच्या मुहुर्तावर आमिर खानचा सीक्रेट सुपस्टार चित्रपट रिलीज झाला. यात आमिर खानने साकारलेली भूमिका खूपच वेगळी होती. यात आमिर शक्ती नावाच्या संगीतकाराच्या भूमिकेत दिसला होता. याचित्रपटाची कथा  एका 15 वर्षांच्या मुलीच्या सिंगिंग करिअरवर आधारित आहे. तिला तिचा आवाज जगासमोर पोहोचवायचा असतो; मात्र वडिलांचा विरोध असल्यामुळे तिला याकरीता लढा द्यावा लागतो. तेथूनच तिचा संघर्ष सुरू होतो. पुढे ती सुपरस्टार बनते. हा चित्रपट प्रेक्षकांच्यादेखील पसंतीस उतरला होता. ALSO READ  :  आमिर खानला लिहायचेयं आत्मचरित्र; पण आहे एक अट!सध्या आमिर खान ठग्स ऑफ हिंदुस्तानच्या शूटिंगमध्ये व्यस्त आहे. यात आमीरखान बरोबर अमिताभ बच्चन,  कॅटरिना कैफ, फातिमा सना शेख यांच्याही प्रमुख भूमिका आहेत. विजय कृष्ण आचार्य यांच्या दिग्दर्शनाअंतर्गत बनविल्या जात असलेल्या या चित्रपटाला यशराज फिल्म्स प्रोड्यूस करीत आहे. या चित्रपटाचे आणखी एक वैशिष्ट्य म्हणजे चित्रपटात आमीर खान आणि महानायक अमिताभ बच्चन पहिल्यांदाच स्क्रीन शेअर करीत आहे. या अगोदर हे दोघे एकदाही चित्रपटात झळकले नाहीत.ठग्स ऑफ हिंदुस्ताननंतर आमिर खान सैल्यूट चित्रपटात दिसणार असल्याचे कळते आहे. यात तो अंतराळवीर राकेश शर्मा यांची भूमिका साकारतो आहे. याचे दिग्दर्शन महेश मथाई करणार आहेत. यात आमिरच्या पत्नीची भूमिका प्रियांका चोप्रा साकारणार असल्याचे कळते आहे. त्यामुळे प्रियांका चोप्राने हा चित्रपटात साईन केला असले तर पहिल्यांदाच आमिर खान आणि प्रियांकाची जोडी मोठ्या पडद्यावर पाहायला मिळणार आहे.