Actor Javed Khan Amrohi Passes Away: बॉलिवूडमधून एक दुःखद बातमी समोर आली आहे. ज्येष्ठ अभिनेते जावेद खान अमरोही(60) यांचे निधन झाले. 'लगान', 'चक दे इंडिया' यांसारख्या सुपरहिट चित्रपटांमध्ये महत्त्वाची भूमिका साकारणारा जावेद खान यांनी त्यांच्या कारकिर्दीत 150 हून अधिक चित्रपटांमध्ये अभिनय केला होता. त्यांच्या आकस्मिक निधनाच्या बातमीने सर्वांनाच धक्का बसला आहे.
अनेक दिवसांपासून होते आजारीजावेद खान गेल्या अनेक दिवसांपासून आजारी आणि अंथरुणाला खिळून होते. त्यांना सांताक्रूझ येथील सूर्या नर्सिंग होममध्ये दाखल करण्यात आले होते, तिथेच त्यांनी अखेरचा श्वास घेतला. त्यांची दोन्ही फुफ्फुसे निकामी झाल्याची माहिती आहे. त्यांच्या जाण्याने इंडस्ट्रीला मोठा धक्का बसला आहे. अनेक वर्षांपासून ते बॉलिवूडमध्ये काम करत होते आणि त्यांनी अनेक संस्मरणीय भूमिकाही साकारल्या. त्यांनी सलमान खान, आमिर खान ते शाहरुख खान यांच्यासोबत स्क्रीन शेअर केल्या.
अकादमी पुरस्कारासाठीही नामांकन 2001 मध्ये आलेल्या 'लगान' या चित्रपटात त्यांनी विशेष भूमिका साकारली होती, ज्यासाठी त्यांना सर्वोत्कृष्ट सहाय्यक अभिनेता श्रेणीतील अकादमी पुरस्कारासाठी नामांकन मिळाले होते. यानंतर ते शाहरुख खानसोबत 'चक दे इंडिया'मध्येही दिसले. 'अंदाज अपना अपना' या सुपरहिट चित्रपटातही त्यांनी महत्वाची भूमिका साकारली होती. त्यांचे कॉमिक टायमिंग अप्रतिम होते, त्यामुळे त्यांना बहुतेक कॉमेडी भूमिका ऑफर केल्या गेल्या. जावेद खान यांनी केवळ चित्रपटातच नाही तर टीव्हीमध्येही भरपूर काम केले. 2020 मध्ये त्यांनी 'सडक 2' मध्ये शेवटचे काम केले.