अभिनेता विक्रांत मेसी (Vikrant Massey) सध्या '12वी फेल' सिनेमाचं यश एन्जॉय करत आहे. विक्रांतच्या अभिनयाने सर्वांनाच सरप्राईज केलंय. क्रिटिक्सने सिनेमाचं आणि विक्रांतच्या अभिनयाचं कौतुक केलंय. तर प्रेक्षकांनीही सिनेमाला भरभरुन प्रतिसाद दिला आहे. विक्रांत प्रोफेशनल आयुष्यात हे यश अनुभवत असतानाच त्याच्या वैयक्तिक आयुष्यातही आनंदाचं वातावरण आहे. कारण तो लवकरच बाबा होणार आहे. नुकतंच त्याच्या पत्नीचं बेबी शॉवर करण्यात आलं आणि याचे फोटो सोशल मीडियावर व्हायरल होत आहेत.
विक्रांत मेसीची पत्नी शीतल ठाकूरने इन्स्टाग्रावर तिच्या बेबी शॉवरचे फोटो शेअर केले आहेत. बॉटल ग्रीन रंगाच्या गाऊनमध्ये ती सुंदर दिसत आहे. तसंच छानसा केकही तिच्यासमोर दिसत आहे. कुटुंब आणि मित्रपरिवारासोबत विक्रांत आणि शीतलने बेबी शॉवर साजरा केला आहे. संपूर्ण कुटुंब खूप आनंदात दिसतंय. दरम्यान विक्रांतचा पत्नीसोबतचा लिपलॉक फोटोही व्हायरल होतोय.
या फोटोंना कॅप्शन देत शीतलने लिहिले,'आयुष्य आणखी छान होणार आहे. माझ्या बेबी शॉवरची ही झलक.' विक्रांत आणि शीतलचे हे फोटो सोशल मीडियावर व्हायरल होत आहेत. चाहत्यांनी दोघांना आयुष्यातील या नवीन प्रवासासाठी शुभेच्छा दिल्या आहेत.
वर्कफ्रंट
विक्रांतने नुकतंच विधु विनोद चोप्रा यांच्या '१२ वी फेल' मध्ये काम केलं. त्याने टीव्ही मालिकांमधून करिअरला सुरुवात केली होती. आता तो आगामी 'सेक्टर 36', तापसी पन्नूसोबत 'फिर आई हसीन दिलरुबा' आणइ 'ब्लॅकआऊट' या सिनेमांमध्ये दिसणार आहे.