गेल्या महिन्यात प्रदर्शित झालेल्या ‘रॉकी और रानी की प्रेमकहानी’ या करण जोहरच्या चित्रपटाने बॉक्स ऑफिसवर चांगली कमाई केली. गली बॉयनंतर या चित्रपटात आलिया भट्ट आणि रणवीर सिंग पुन्हा एकत्र स्क्रीन शेअर करताना दिसले. प्रदर्शनाआधीच या चित्रपटातील गाण्यांना प्रचंड लोकप्रियता मिळाली. ‘रॉकी और रानी की प्रेमकहानी’ चित्रपटातील ‘व्हॉट झुमका’ या गाण्याने चाहत्यांना वेड लावलं आहे. हे गाणं सोशल मीडियावर ट्रेंडिंग असून त्यावरील अनेक व्हिडिओ व्हायरल झाले आहे.
मराठमोळी अभिनेत्री अदिती द्रविडलाही या गाण्यावर डान्स करण्याचा मोह आवरता आला नाही. ‘रॉकी और रानी की प्रेमकहानी’ चित्रपटातील ‘व्हॉट झुमका’ गाण्यावर अदितीने रील व्हिडिओ बनवला आहे. यामध्ये तिच्याबरोबर प्रसिद्ध गायिका सावनी रविंद्रही थिरकताना दिसत आहे. अदिती आणि सावनीने नऊवारी साडीत ‘व्हॉट झुमका’वर ठुमका लावला आहे. अदितीने तिच्या इन्स्टाग्रामवरुन या गाण्याचा रील व्हिडिओ शेअर केला आहे. या व्हिडिओत दोघीही नऊवारी साडीत मराठमोळा लूक करुन ‘व्हॉट झुमका’ गाण्याच्या हुक स्टेप करताना दिसत आहेत. त्यांच्या या व्हिडिओवर चाहत्यांनी कमेंटही केल्या आहेत.
'सुभेदार' ठरला वरचढ! IMDB रेटिंगमध्ये अजय देवगणच्या 'तान्हाजी'ला टाकलं मागे
करण जोहर दिग्दर्शित ‘रॉकी और रानी की प्रेमकहानी’ चित्रपटात आलिया, रणवीर सिंगबरोबरच शबाना आझमी, जया बच्चन, धर्मेंद्र या कलाकारांच्या मुख्य भूमिका आहेत. मराठमोळी अभिनेत्री क्षिती जोगही या चित्रपटात झळकली आहे. क्षितीने या चित्रपटात पूनम रंधावा हे पात्र साकारलं आहे.