आदित्य रॉय कपूर (Aditya Roy Kapur) हा बॉलिवूडमधील तरुण अभिनेत्यांपैकी एक आहे. त्याचे फॅन फॉलोइंग खूप मोठे आहे आणि त्याच्या अभिनय कौशल्यासाठी आणि डाउन टू अर्थ असल्याबद्दल चाहते त्याचे कौतुक करतात. आदित्यला कधीकधी त्याच्या साधेपणाचे नकारात्मक परिणाम भोगावे लागतात. नुकतेच त्याच्यासोबत असेच काही घडले, जेव्हा एक महिला चाहती त्याला जबरदस्तीने किस करण्याचा प्रयत्न करताना दिसली आणि त्याने तसे करण्यास नकार दिला.
आदित्य रॉय कपूरच्या आगामी 'द नाईट मॅनेजर'(The Night Manager)च्या सिरीजच्या स्क्रीनिंगदरम्यान ही घटना घडली. या चित्रपटात अनिल कपूरही मुख्य भूमिकेत असून ही एक स्पाय-थ्रिलर सीरिज आहे. स्क्रिनिंगच्या निमित्ताने आदित्यने आपल्या कॅज्युअल लूकने लोकांची मनं जिंकली.
स्क्रिनिंगदरम्यानचा एक व्हिडिओ इंटरनेटवर व्हायरल होत आहे. व्हिडीओमध्ये 2 महिला आदित्यच्या जवळ उभ्या आहेत आणि सिनेमा हॉलच्या बाहेर त्याच्यासोबत फोटो काढताना दिसत आहेत.
महिलेने पुन्हा एकदा आदित्यचे जबरदस्तीने चुंबन घेण्याचा प्रयत्न केला. या संपूर्ण प्रकरणात आदित्य रॉय कपूर कूल अंदाजात दिसत होता. त्याने ही परिस्थिती शांतपण आणि हसत हसत हाताळली. आदित्यच्या या वागण्याचं सोशल मीडियावर कौतुक होत आहे.