बॉलिवूड अभिनेत्री शर्वरी यशराज फिल्म्सच्या बंटी और बबली २ चित्रपटानंतर आणखी एका चित्रपटासाठी साइन केले आहे. यासोबतच शर्वरीने यशराज फिल्म्ससोबत तीन चित्रपट साइन केले आहेत. या प्रोजेक्ट्सची लवकरच घोषणा करणार आहे.
बंटी और बबली २ चित्रपटाचे शूटिंग नुकतेच पूर्ण झाले आहे. चित्रपटाचे निर्माते आदित्य चोप्राने या चित्रपटाचे शूटिंग पाहिल्यानंतर त्याला शर्वरीचे काम खूप आवडले. आदित्यने या चित्रपटाच्या प्रदर्शनापूर्वीच शर्वरीला आणखी एका चित्रपटाची ऑफर दिली आहे.सूत्रांकडून समजते आहे की हा चित्रपट बिग बजेटच्या मोठ्या कलाकारांसोबत बनणार आहे.
सूत्रांनी सांगितले की, शर्वरीमध्ये उत्तम लूकसोबत अभिनय कौशल्यदेखील आहे. त्यामुळेच तिला यशराज फिल्म्सच्या तीन चित्रपटासाठी साईन करण्यात आले आहे. तसेच ती कबीर खान दिग्दर्शित द फॉरगॉटेन आर्मी या वेबसीरिजमध्येही झळकली होती. यातील तिच्या कामाचे खूप प्रशंसाही झाली होती.