चारचौघांत वावरताना सेलिब्रिटी आपला राग गुंडाळून ठेवतात. पण अनेकदा कितीही संयम ठेवला तरी संतापाचा भडका उडतोच. अलीकडे अजय देवगणसोबतही (Ajay Devgan) हेच घडलं. तो इतका संतापला की त्याचा तो राग पाहून महिंद्रा अँड महिंद्रा समुहाचे प्रमुख आनंद महिंद्रा (Anand Mahindra) यांनाही धक्का बसला. खुद्द आनंद महिंद्रा यांनी एक व्हिडीओ शेअर केला आहे. आता हे नेमकं प्रकरण काय ते जाणून घेऊ यात.
तर त्याचं झालं असं की, अजय देवगण महिंद्राची एक जाहिरात शूट करण्यासाठी सेटवर पोहोचला होता. पण वारंवार जाहिरातीच्या स्क्रिप्टमध्ये बदल होत असल्यामुळे तो संतापला. याचा व्हिडीओ आंनद महिंद्रा यांनी शेअर केला आहे.बार बार स्क्रिप्ट क्यों बदल रहे हो? असं काहीशा नाराजीच्या सूरात अजय देवगण या व्हिडीओत विचारताना दिसतो. यावर, बार बार नहीं, केवल चार बार..., असं उत्तर त्याला मिळतो. यावर अजय देवगण सॅड लूक देतो. हा व्हिडीओ शेअर करत, आनंद महिंद्रा यांनी एक मजेशीर ट्विट केलं आहे.
‘आमच्या जाहिरातीचं शूटींग सुरू असताना अजय देवगण संतापल्याचं मी ऐकलं. तो आमचाच एखादा ट्रक घेऊन माझ्यामागे येईल, त्याआधी मी हे शहर सोडून जातोय,’असं मजेशीर ट्विट आनंद महिंद्रा यांनी केलं.तुम्हाला कदाचित ठाऊक नसेल पण अजय देवगण महिंद्रा ट्रक अ‍ॅण्ड बसचा ब्रँड अ‍ॅम्बिसीडर आहे. काही महिन्यांपूर्वीच आलेल्या एका जाहिरतात तो धमाकेदार स्टंट करताना दिसला होता. आता नव्या जाहिरातीत अजय काय नवं करतो, हे पाहणं इंटरेस्टिंग असणार आहे.