अभिनेता अजय देवगण (Ajay Devgn) आणि काजोलची (Kajol) लाडकी लेक नीसा देवगण (Nysa Devgn) अनेक कारणांमुळे चर्चेत असते.मित्रांसोबत पार्टी करताना तिचे व्हिडिओ व्हायरल होतात. मात्र पापाराझींसमोर ती अनेकदा ट्रोल होते. अनेकदा नशेत असल्याने तिला धड चालताही येत नाही तर कधी ती तिच्या बोल्ड कपड्यांमुळे ट्रोल होते. आता नीसाचा आणखी एक व्हिडिओ व्हायरल होतोय ज्यामध्ये ती सुरक्षारक्षकालाच धडकते. यानंतर तिचं तिलाच हसू येतं.
नीसा काल रात्रीच मित्र ओरी सोबत एका हॉटेलमध्ये पोहोचली होती. मित्रपरिवाराची जंगी पार्टी होती. यावेळी नीसा कारमधून उतरत असताना नेहमीप्रमाणेच पापाराझी तिला घेराव घालतात. दरम्यान ती कारमधून उतरत असतानाच सुरक्षारक्षक तिथे येतो आणि दोघेही एकमेकांना धडकतात. हे पाहून हॉटेलचा सिक्युरिटीही हसतो. इतकंच काय नीसालाही यामुळे हसू फुटतं.
नीसाचा हा व्हिडिओ सोशल मीडियावर तुफान व्हायरल होतोय. ट्रोलर्सने यावरुनही तिच्यावर निशाणा साधला आहे. 'आता काय घरुनच दारु पिऊन आली की काय' अशी कमेंट काही नेटकऱ्यांनी केली आहे. तर दुसरा म्हणतो 'अगदी आईवर गेली आहे'.