काजोल हे इंडस्ट्रीतील मोठे नाव आहे. दोन मुलांची आई झाल्यावरही काजोल इंडस्ट्रीत अ‍ॅक्टिव्ह आहे. चित्रपट करत आहे. आजही तिची क्रेज जराही कमी झालेली नाही. याऊलट काजोलची बहीण तनीषा मुखर्जी हिला इतक्या वर्षांनंतरही इंडस्ट्रीत जम बसवता आला नाही. बॉलिवूडमध्ये अनेक मोठमोठे प्रोजेक्ट करूनही तिला यश मिळाले नाही. चित्रपटांत डाळ शिजत नाही, म्हणून तनीषाने टीव्हीकडे मोर्चा वळवला.
‘बिग बॉस’सारखे रिअ‍ॅलिटी शो करून बघितले. पण या शोनेही तनीषाला फार काही मिळाले नाही. ना नव्या आॅफर, ना लोकप्रीयता. अशात तनीषाच्या करिअरबद्दल चिंता साहजिक आहे. आता तर काजोल आणि तनीषाचा जीजू अजय देवगण यांनाही तनीषाच्या करिअरची चिंता सतावू लागली आहे. कदाचित म्हणूनचं जीजूने साळीसाठी हातपाय हलवणे सुरू केले आहे. होय, ताजी खबर खरी मानाल तर अजय देवगण खास आपल्या साळीसाठी एक टीव्ही शो प्रोड्यूस करतोय. या शोमध्ये तनीषा मुख्य भूमिकेत दिसेल. एकंदर काय तर हा तनीषाचा कमबॅक प्रोजेक्ट असले.