‘बादशाहो’मध्येही बघायला मिळणार अजय देवगणचा लिप लॉक सीन?

लिप लॉक सीन्स हे जणू काही बॉलिवूड चित्रपटांची गरजच बनले आहे. त्यामुळेच हिरो-हिरोईन यांच्यात बरेचसे स्टीमी सीन्स बघावयास मिळतात. एक दशकापूर्वीचा विचार केल्यास बॉलिवूडपटांमध्ये अशाप्रकारच्या सीन्सला अजिबातच थारा नव्हता. परंतु आज जणू काही हे सीन्स गरजच बनले आहेत. विशेष म्हणजे हे बदल बॉलिवूडमधील जुन्या-जाणता कलाकारांनीही स्वीकारला असून, ते अशाप्रकारचे सीन्स देण्याला अजिबात नकार देत नाहीत. आमिर खान, अक्षयकुमार, अजय देवगण या ९० च्या दशकातील सुपरस्टार्स आज बॉलिवूडमध्ये लिपलॉक सीन्स देताना बघावयास मिळतात. अजय देवगणने त्याच्या गेल्या ‘शिवाय’ या चित्रपटात हा कारनामा केला होता. आता असाच काहीसा कारनामा पुन्हा एकदा त्याच्या आगामी ‘बादशाहो’ या चित्रपटात बघावयास मिळण्याची शक्यता आहे. जेव्हा अजयने ‘शिवाय’मध्ये लिप-लॉप सीन्स दिला होता, तेव्हा त्यावर चांगलीच चर्चा रंगली होती. आता हा सिलसिला त्याच्या आगामी ‘बादशाहो’मध्ये बघायला मिळण्याची शक्यता आहे. आता तुम्ही विचार कराल की, आम्ही असा विचार का करीत आहोत. तर असा विचार करण्यामागचे कारण म्हणजे काही दिवसांपूर्वीच ‘बादशाहो’ या चित्रपटाचा टीजर रिलीज करण्यात आला. ज्यामध्ये दोन असे सीन्स दिसत होते, जे चित्रपटातील बोल्डनेसचा फॉर्म्युला अधोरेखित करीत होते. एका सीन्समध्ये अजयदेखील इंटिमेट होताना दिसत होता. त्यामुळे याही चित्रपटात त्याने लिप-लॉक सीन्स दिले असावा असा अंदाज व्यक्त करण्यास वाव मिळत आहे. दरम्यान अजयचा आगामी ‘बादशाहो’ हा चित्रपट सहा लोकांची कथा आहे. एका सरकारी ट्रकमधील सोने लुटण्यासाठीची धडपड यात दाखविण्यात आली आहे. चित्रपटात अजयबरोबरच इमरान हाशमी, इलियान डिक्रुज, ईशा गुप्ता, संजय मिश्रा आणि विद्युत जामवाल यांच्या प्रमुख भूमिका आहेत. चित्रपटाचे दिग्दर्शन मिलन लुथरिया यांनी केले आहे.