हिंदी चित्रपटसृष्टीत असे अनेक कलाकार आहेत, जे वर्षानुवर्षे एकत्र स्क्रीन शेअर करत आले आहेत. अशीच एक अत्यंत लोकप्रिय जोडी म्हणजे अभिनेता अजय देवगण आणि अभिनेत्री तब्बू. अजय आणि तब्बू यांनी अनेक चित्रपटांमध्ये एकत्र काम केले आहे. तर गेल्या काही दिवसांपासून अजय आणि तब्बू त्यांच्या आगामी 'औरों में कहाँ दम था' या चित्रपटामुळे चर्चेत आहेत. आता या चित्रपटाची रिलीज डेट समोर आली आहे.
अजय देवगणने आज सोशल मीडियावर त्याच्या आगामी चित्रपटाची घोषणा केली. अजय देवगण आणि तब्बू यांचा 'औरों में कहाँ दम था' हा चित्रपट पुढील वर्षी प्रदर्शित होणार आहे. हा चित्रपट 26 एप्रिल 2024 रोजी प्रेक्षकांच्या भेटीला येणार आहे. मात्र, हा चित्रपट चित्रपटगृहात किंवा ओटीटीवर प्रदर्शित होणार याबाबत अद्याप घोषणा करण्यात आलेली नाही.
अजय देवगण आणि तब्बू यांची रोमँटिक केमिस्ट्री मोठ्या पडद्यावर पाहायला मिळणार आहे. स्टारकास्टबद्दल बोलायचे झाले तर, अजय आणि तब्बू व्यतिरिक्त, या चित्रपटात जिमी शेरगिल, सई मांजरेकर आणि शंतनू माहेश्वरी हे असणार आहेत.
अजय देवगण आणि तब्बू यांनी अनेक चित्रपटांमध्ये एकत्र काम केले आहे. त्यापैकी बहुतांश चित्रपट बॉक्स ऑफिसवर हिट ठरले आहेत. दोघांनी 'हकीकत', 'विजयपथ', 'दे दे प्यार दे', 'दृश्यम', 'दृश्यम 2' आणि 'भोला' यांसारख्या चित्रपटांमध्ये स्क्रीन शेअर केली आहे.