धोतर-कुर्ता घालून समुद्राच्या किनाऱ्यावर स्टंट करीत ‘ही’ घोषणा करताना दिसला अक्षयकुमार!

बॉलिवूडचा खिलाडी अक्षयकुमार याचा एक व्हिडीओ सध्या सोशल मीडियावर व्हायरल होत आहे. या व्हिडीओमधून त्याने एक महत्त्वपूर्ण घोषणा केली आहे.

बॉलिवूडचा खिलाडी अक्षयकुमार याच्याकडे सध्या प्रचंड काम आहे. एका वर्षात त्याचे जवळपास तीन ते चार चित्रपट रिलीज होत असून, त्यातील बहुतांश चित्रपट बॉक्स आॅफिसवर आपला करिष्मा दाखवित आहेत. त्याचबरोबर एवढ्या व्यस्त वेळापत्रकातूनही अक्षय त्याच्या फॅमिलीला वेळ देत आहे. असो, अक्षयबद्दल सांगण्याचे एकमेव कारण म्हणजे त्याने त्याच्या आगामी ‘गोल्ड’ या चित्रपटाचे शूटिंग पूर्ण केले असून, शूटिंग पूर्ण झाल्याची वार्ता त्याने अतिशय अनोख्या पद्धतीने सांगितली आहे. धोतर-कुर्ता घालून समुद्रकिनारी एका खुर्चीवर स्टंटकरिता त्याने ‘गोल्ड’ची शूटिंग पूर्ण झाल्याचे जाहीर केले. हा व्हिडीओ अक्षयने त्याच्या ट्विटर अकाउंटवर शेअर केला. व्हिडीओच्या कॅप्शनमध्ये लिहिले की, ‘एका चांगल्या सुरुवातीपासून ते चांगल्या शेवटापर्यंत... ‘गोल्ड’ची शूटिंग आता संपली आहे. हा एक अविस्मरणीय प्रवास होता. आता पुढे चित्रपटात भेटूया.’ रिमा कागती दिग्दर्शित हा चित्रपट बलबीर सिंग या हॉकी खेळाडूवर आधारित आहे. ज्यांनी देशाला पहिले गोल्ड मेडल मिळवून दिले. हा चित्रपट १९४८ मध्ये आयोजित केलेल्या लंडन आॅलिम्पिकच्या पार्श्वभूमीवर आधारित आहे. त्यामुळे अक्षय या व्हिडीओमध्ये धोतर-कुर्ता घालून दिसत आहे.  दरम्यान, हा चित्रपट १५ आॅगस्ट २०१८ रोजी रिलीज होणार आहे. या चित्रपटाला अयान मुखर्जी दिग्दर्शित ‘ब्रह्मास्त्र’ हा चित्रपट बॉक्स आॅफिसवर क्लॅश होणार आहे. या चित्रपटात रणवीर सिंग आणि आलिया भट्ट यांच्या महत्त्वपूर्ण भूमिका आहेत. रितेश सिंधवानी आणि फरहान अख्तर या चित्रपटाची निर्मिती करीत आहेत. तर ‘गोल्ड’ या चित्रपटातून प्रसिद्ध टीव्ही अभिनेत्री ‘नागीन’ फेम मौनी रॉय बॉलिवूडमध्ये डेब्यू करीत आहे. चित्रपटात ती अक्षयकुमारच्या प्रेयसीची भूमिका साकारत आहे. चित्रपटात मौनीबरोबरच अक्षयची एक्स गर्लफ्रेंड रविना टंडन, निमिता दत्ता आणि कुनाल कपूर प्रमुख भूमिकांमध्ये दिसणार आहेत. 

A good beginning makes a good ending...true story