अक्षयकुमारने पत्नी ट्विंकल खन्नासोबत केले रोमॅण्टिक फोटोशूट; पाहा व्हिडीओ!

बॉलिवूडचा खिलाडी अक्षयकुमार याने पत्नी ट्विंकल खन्नासोबत एका मॅगझिनसाठी नुकतेच फोटोशूट केले, या शूटचा एक व्हिडीओ समोर आला आहे.

बॉलिवूडचा खिलाडी अक्षयकुमार आणि त्याची पत्नी ट्विंकल खन्ना यांनी नुकतेच एक फोटोशूट केले. त्यांनी हे फोटोशूट ‘हॅलो’ मॅगझिनसाठी केले. हे फोटोशूट करताना एक व्हिडीओ समोर आला असून, शूटदरम्यान अक्षय आणि ट्विंकलमधील केमिस्ट्री स्पष्टपणे दिसून येत आहे. मॅगझीननेच या फोटोशूटचा हा व्हिडीओ त्यांच्या आॅफिशियल इन्स्टाग्रामवर शेअर केला आहे. बिहाइंड द सीनमध्ये अक्षय आणि ट्विंकलचा अंदाज बघण्यासारखा असून, हा व्हिडीओ सध्या सोशल मीडियावर व्हायरल होत आहे. काही दिवसांपूर्वीच अक्षयने त्यांच्या अंदाजात नव्या वर्षाचे स्वागत करणारा व्हिडीओ सोशल मीडियावर शेअर केला होता. या व्हिडीओला त्याच्या चाहत्यांकडून चांगलीच पसंती मिळत आहे. स्टंट्स आणि आव्हानात्मक सीन्स करण्यासाठी खिलाडी अक्षयकुमारला ओळखले जाते. असाच काहीसा व्हिडीओ त्याने ट्विटरवर शेअर करीत नव्या वर्षाचे स्वागत केले. व्हिडीओमध्ये तो एका पाइपाच्या आधारे हवेत लटकताना दिसत आहे. अक्षयचा हा व्हिडीओ सध्या सोशल मीडियावर व्हायरल होत असून, त्यास त्याच्या चाहत्यांकडून लाइक्स आणि शेअर केले जात आहे. हा व्हिडीओ शेअर करताना अक्षयने लिहिले की, ‘२०१७ मधून २०१८ मध्ये उडी घेत आहे. नव्या वर्षाच्या सर्वांनाच शुभेच्छा’ दरम्यान, या व्हिडीओनंतर आता त्याचा पत्नी ट्विंकलसोबतचा व्हिडीओ व्हायरल होत आहे. या व्हिडीओमध्ये दोघांचाही अंदाज बघण्यासारखा आहे.  अक्षयच्या वर्कफ्रंटविषयी सांगायचे झाल्यास, लवकरच त्याचा ‘पॅडमॅन’ हा चित्रपट रिलीज होणार आहे. त्याचबरोबर ‘२.०’ या बिग बजेट चित्रपटातही तो खलनायकाची भूमिका साकारताना दिसणार आहे. तसेच काही दिवसांपूर्वीच त्याने ‘गोल्ड’ या चित्रपटाचे शूटिंग पूर्ण केले असून, लवकरच तो या चित्रपटाचे प्रमोशन करताना दिसणार आहे. या चित्रपटात त्याच्यासोबत टीव्ही अभिनेत्री मौनी रॉय बघावयास मिळणार आहे. ‘नागीन’ या शोमध्ये मौनीला लोकप्रियता मिळाली. आता ती बॉलिवूडमध्ये आपला जलवा दाखविण्यास सज्ज झाली आहे.