गुलशन कुमारच्या बायोपिकमध्ये आता नसणार अक्षय कुमार!
By ऑनलाइन लोकमत | Published: December 06, 2017 10:03 AM
एकापाठोपाठ एक अशा अनेक धडाकेबाज चित्रपटांनंतर अक्षय कुमार ‘मोगुल’ या चित्रपटात दिसणार होता. पण आता अक्षय कुमारने हा चित्रपट ...
गुलशन कुमारच्या बायोपिकमध्ये आता नसणार अक्षय कुमार!
एकापाठोपाठ एक अशा अनेक धडाकेबाज चित्रपटांनंतर अक्षय कुमार ‘मोगुल’ या चित्रपटात दिसणार होता. पण आता अक्षय कुमारने हा चित्रपट सोडल्याची खबर आहे. टी-सीरिजचे संस्थापक गुलशन कुमार यांच्या आयुष्यावर आधारित या बायोपिकमध्ये अक्षयची वर्णी लागली होती. चित्रपटाचा फर्स्ट लूकही जारी झाला होता. पण अचानक अक्षयने हा चित्रपट न करण्याचा निर्णय घेतला. सूत्रांचे मानाल तर यामागे दिग्दर्शकासोबतचे त्याचे मतभेद कारणीभूत असल्याचे सांगण्यात येत आहे. सूत्रांनी दिलेल्या माहितीनुसार, ‘मोगुल’मध्ये अक्षयने काही बदल सुचवले होते. दिग्दर्शक सुभाष कपूर यांना त्याने हे बदल सांगितले होते. स्क्रिप्टमधील काही सीन्स नव्याने लिहिले जावेत, अशी अक्षयची इच्छा होती. पण अक्षयच्या या मागणीकडे सुभाष कपूर यांनी कानाडोळा केला. दिग्दर्शकाकडून कुठलाच प्रतिसाद मिळत नसल्याचे पाहून अक्षयने या चित्रपटातून बाहेर पडणेच योग्य समजले. अर्थात अद्याप अक्षयने याबद्दल अधिकृत माहिती दिलेली नाही.