अक्षय कुमार एका वर्षात 3 ते 4 चित्रपट देण्यासाठी ओळखला जातो. गतवर्षीही त्यांचे अनेक चित्रपट प्रदर्शित झाले, पण जवळपास सर्वच चित्रपट फ्लॉप ठरले. या सर्व गोष्टींचा अभिनेत्यावर फारसा परिणाम होत नसला तरी तो त्याच्या पुढच्या चित्रपटाच्या शूटिंगमध्ये व्यस्त होतो. बडे मियाँ छोटे मियाँ या चित्रपटाच्या शूटिंग सेटवर अभिनेता जखमी झाल्याची केल्याची अलीकडेच आली होती. आता बातमी आली आहे की खिलाडी कुमारने जखमी अवस्थेत हा शूटिंग करणं थांबवलं नाही.
अक्षय कुमार आणि टायगर श्रॉफ गेल्या एक महिन्यापासून यूकेमध्ये अ‍ॅक्शन एंटरटेनर बडे मियाँ छोटे मियाँसाठी नॉन-स्टॉप शूटिंग करत आहेत. दोघे बाईक, हेलिकॉप्टर, कार आणि बरेच काही घेऊन अ‍ॅक्शन सीक्वेन्स शूट करत आहेत. गेल्या आठवड्यात शूटिंगदरम्यान अक्षय कुमारच्या गुडघ्याला गंभीर दुखापत झाली होती. मात्र, असे असूनही अभिनेता सतत शूटिंग करत राहिला.
गुडघ्याच्या दुखापतीमुळे अभिनेता काठीच्या साहाय्याने चालत आहे. त्याच्या पायाची बोटांना दुखापत झाली आहे. दुखापत असूनही अक्षय सर्व खबरदारी घेऊन 'बडे मियाँ छोटे मियाँ'साठी अ‍ॅक्शन सीन शूट करत राहिला. यूकेमध्ये जो एक मोठा अ‍ॅक्शन सीन शूट केला जातोय त्यासाठी निर्माता जॅकी भगनानी 15 कोटी रुपये खर्च करत आहे.
अक्षय कुमार हे सर्व त्याच्या प्रॉडक्शन टीमसाठी करत आहे, कारण या अ‍ॅक्शन सीक्वेन्समध्ये 15 कोटींहून अधिक गुंतवणूक करण्यात आली आहे. शूटिंगला थांबवलं तर निर्मात्याचे आर्थिक नुकसान होईल. यामुळे अक्षयने दुखापत झालेल्या गुडघ्याला घेऊन शूटिंग केलं.