अक्षय कुमार सध्या ‘सूर्यवंशी’ या चित्रपटात बिझी आहे. या चित्रपटात कतरीना कैफ अक्षयची हिरोईन असणार आहे. आणखी खास म्हणजे, या सिनेमात अक्षयचे ‘टिप टिप बरसा पानी’ हे आयकॉनिक सॉन्ग रिक्रिएट केले जाणार आहे. ‘मोहरा’ चित्रपटातील ‘टिप टिप बरसा पानी’ या गाण्याने तब्बल दोन दशकांहून अधिक काळ रसिकांच्या मनावर अधिराज्य केले. आजही हे गाणे सुपरहिट आहे. अक्षय आणि रवीनाचे हे गाणे पुन्हा एकदा रिक्रिएट केले जाणार म्हटल्यावर खरे तर चाहत्यांना आनंद व्हायला हवा. पण सध्या तरी अक्षयचे चाहते फार खूश नाहीत, असेच दिसतेय. या गाण्यावरून अक्षय सध्या ट्रोल होतोय.
‘अक्की, आमचे तुझ्यावर प्रेम आहे. पण रवीनाला ‘टिप टिप बरसा पानी’चे श्रेय देणे विसरू नकोस. हे गाणे केवळ तुझ्यामुळे हिट झालेले नाही. मी रवीनाचा खूप मोठा फॅन नाही. पण तरीही कतरीना कधीच हे गाणे रिक्रिएट करू शकत नाही,’ असे एका युजरने यावर लिहिले आहे.
एका युजरने तर अक्षयला चांगलेच सुनावले आहे. ‘ तू त्या गाण्यात होतास, हे सांगण्यासाठी आभार. पण मला ‘टिप टिप बरसा पानी’ हे गाणे केवळ रवीना, तिची पिवळी साडी आणि पाऊस यासाठी आठवते’असे त्याने लिहिले.