रजनीकांत यांच्या '2.0' चित्रपटात अक्षय कुमार दिसणार 'या' भूमिकेत

रजनीकांत यांच्या आगामी चित्रपट '2.0' बाबत अनेक चर्चा गेल्या काही दिवसांपासून रंगल्या आहेत. 2.0 या चित्रपटाचा फर्स्ट लूक 2016मध्ये रिलीज करण्यात आला होता. अक्षय या चित्रपटात कावळ्याच्या भूमिकेत दिसणार असल्याचे बोलले जाते होते. मात्र मीडियाच्या रिपोर्टनुसार अक्षय '2.0' मध्ये  एलियनच्या भूमिकेत दिसणार आहे. 2.0 चित्रपटाच्या पोस्टरमध्ये अक्षय अतिशय डेंजर लूकमध्ये दिसतो आहे. त्याच्या भूमिकेबाबत अनेक चर्चा रंगल्या आहेत. आता असे कळतेय अक्षय कुमार या चित्रपटात एलियन बनणार आहे. चित्रपटाच्या पोस्टरवर लिहिलेली ही ओळ ''दुनिया सिर्फ इंसानों के लिए नहीं है' काहीसा असाच इशारा करते आहे. या ओळीवरुन असा अंदाज लावण्यात येतो आहे की अक्षय कुमार दुसऱ्या ग्रहावरील व्यक्ती दाखवण्यात येण्याची शक्यता आहे. आपल्या भूमिकेसाठी तब्बल 5 तास मेकअप करायला लागत असल्याचे अक्षयने सांगितले होते. याआधी आपल्या कोणत्याही चित्रपटासाठी मेकअप करायला एवढा वेळ लागला नसल्याचे ही त्यांने सांगितले. यात रजनीकांत एका वैज्ञानिकाच्या आणि रोबोटच्या दुहेरी भूमिकेत बघावयास मिळणार आहे. त्याचबरोबर एमी जॅक्सन, सुधांशू पांडे आणि आदिल हुसेन यांच्याही सिनेमात महत्त्वपूर्ण भूमिका आहेत. '2.0' चे दिग्दर्शन एस. शंकर करत आहेत. यात आपल्याला भरपूर स्टंट बघायला मिळणार आहेत. 2.0 आपल्याला अक्षय कुमार आणि रजनीकांत यांच्या अभिनयाची जुगलबंदी पाहायला मिळाणार आहे. या चित्रपटाचे सॅटेलाईट्स राईट्स झी टीव्हीने 110 कोटींना विकत घेतले आहे. तर हिंदी व्हर्जनचे थिएटर राईट्स ८० कोटी रूपयांत विकले गेले आहेत