अक्षय-तापसीचा ‘नाम शबाना’ फर्स्ट लुक!

बॉलिवूडचा खिलाडी अक्षय कुमार आणि दाक्षिणात्य ब्युटी तापसी पन्नू यांनी २०१५ मध्ये ‘बेबी’ चित्रपटात एकत्र काम केलं. या जोडीवर चाहत्यांसोबतच  ‘बी टाऊन’मधील सेलिब्रिटींनीही प्रेम केलं. आता ही जोडी पुन्हा एकदा ‘नाम शबाना’ मधून स्क्रिन शेअर करणार आहे. नुकताच चित्रपटाचा फर्स्ट लुक लाँच करण्यात आला असून हा ‘बेबी’ चा प्रिक्वेल असल्याची चर्चा आहे. ३१ मार्च २०१७ ला चित्रपट रिलीज होणार असल्याचे कळतेय.‘पिंक’ या चित्रपटानंतर तापसी चांगलीच चर्चेत आली. चित्रपटातील तिचा अभिनय चाहत्यांसोबतच समीक्षकांनाही आवडला. आता ती ‘नाम शबाना’ मधून अक्षयसोबत काम करण्यासाठी खुप उत्सुक आहे. या चित्रपटात अ‍ॅक्शन, रोमान्स, थ्रिल काय अनुभवायला मिळणार? याची उत्सुकता सर्वांना लागली आहे. तिची उत्सुकता तिने ‘हमने रूमाल रख दिया हैं..’ अशा कॅप्शनसह टिवटरवर शेअर केली. या फर्स्ट लुकमध्ये ती पारंपारिक वेशात दिसत असून खुपच स्ट्राँग भूमिका करणार असल्याचे कळतेय. अक्षय यात पाहुण्या कलाकाराच्या भूमिकेत दिसणार असून त्यालाही चित्रपटाच्या शूटिंगची उत्सुकता लागली आहे. अक्कीला अ‍ॅक्शन, रोमान्स आणि थ्रिलरपट यांचे पूर्ण पॅकेज असलेल्या चित्रपटात काम करायला आवडतं. अ‍ॅक्शन चित्रपटासाठी त्याला साजेशी अभिनेत्री म्हणून तापसी पन्नूचं नाव सध्या घेतलं जातंय. गुड लुकिंग, डॅशिंग, अभिनयसंपन्न अशी दाक्षिणात्य अभिनेत्री खरंच ‘बी टाऊन’च्या खिलाडीसाठी परफेक्ट आहे. अक्षय कुमार सध्या विविध प्रोजेक्टसमध्ये बिझी आहे. ‘टॉयलेट ’ या चित्रपटासह तो नाम शबानासाठीही चर्चेत दिसतोय. ‘बेबी’चा प्रिक्वेल असलेल्या या ‘नाम शबाना’ चित्रपटाला चाहत्यांचा कसा प्रतिसाद मिळतो हे लवकरच कळेल.                                                                          फर्स्ट लुक