'बाहुबली' सीरिजमुळे देशातील प्रत्येक सिनेप्रेमींच्या गळ्यातील ताईत बनलेले दिग्दर्शक एस. एस. राजमौली यांचा 'आरआरआर' हा आगामी सिनेमा पाहण्यास प्रत्येकजण उत्सुक आहेत. अखेर या चित्रपटाच्या निर्मात्यांनी प्रदर्शनाची तारीख जाहीर केली आहे.
'आरआरआर' देशभरात पुढील वर्षी ८ जानेवारी २०२१ ला १० भाषांमध्ये प्रदर्शित होणार आहे, अशी माहिती आरआरआरच्या की टीमने आपल्या अधिकृत सोशल मीडिया पेजवरून दिली आहे.
बॉलिवूड अभिनेता अजय देवगण आणि अभिनेत्री आलिया भट हे सुद्धा यात महत्त्वपूर्ण भूमिकेत झळकणार आहेत. या चित्रपटात आलिया भट आणि अजय देवगण यांच्यासोबत राम चरण आणि जूनियर एनटीआर प्रमुख भूमिकेत आहेत.
तसेच हॉलिवूडचे कलाकार रे स्टीवेन्सन, एलिसन डूडी आणि ओलिविया मॉरिस देखील दिसणार आहेत.
डीवीवी दानय्या द्वारा डीवीवी एंटरटेनमेंट अंतर्गत आणि एस एस राजामौली द्वारा दिग्दर्शित "आरआरआर" देशभरात १० भारतीय भाषांमध्ये प्रदर्शित होणार आहे.