​‘गली बॉय’च्या सेटवरचे आलिया भट्ट व रणवीर सिंगचे फोटो लिक! पाहून तुम्हालाही बसेल धक्का !!

अभिनेता रणवीर सिंग आणि आलिया भट्ट यांच्या ‘गली बॉय’ या आगामी चित्रपटाचे शूटींग धडाक्यात सुरु आहे. याच चित्रपटाबद्दलची ताजी बातमी म्हणजे,  जोया अख्तर दिग्दर्शित या चित्रपटाच्या सेटवरचे काही फोटो लिक झाले आहेत आणि हे फोटो वेगाने व्हायरल होत आहेत. या फोटोंमधल्या आलिया व रणवीरला ओळखणेही कठीण आहे. काल एका स्लम एरियात या चित्रपटाचे शूटींग झाले. याच ठिकाणचे हे फोटो आहेत.रणवीरचे या चित्रपटातील लूक त्याच्या ‘बँड बाजा बारात’, ‘लेडिज वर्सेस रिकी बहल’ या चित्रपटातील लूकशी बरेच मिळते जुळते आहेत.  ‘पद्मावत’मध्ये अलाऊद्दीन खिल्जीची निगेटीव्ह भूमिका साकारणारा हाच तो रणवीर,यावर त्याचे हे फोटो पाहिल्यानंतर क्षणभर विश्वास बसत नाही. या फोटोंमध्ये आलिया एका तरूण मुस्लिम मुलीच्या भूमिकेत दिसतेय. तिलाही या गेटअपमध्ये ओळखणे कठीण आहे.‘गली बॉय’मध्ये एका स्ट्रिट रॅपरची कथा असल्याचे कळतेय. जी एका रिअल लाईफ स्टोरीवर बेतलेली आहे. ही कथा गेल्या अनेक वर्षांपासून जोयाच्या डोक्यात होत्या. या चित्रपटासाठी आधी रणबीर कपूरचे नाव चर्चेत होते. यानंतर वरूण धवनच्या नावाचीही चर्चा झाली आणि सरतेशेवटी रणवीरच्या नावावर शिक्कामोर्तब झाले. रणवीर व आलिया या चित्रपटाच्या निमित्ताने पहिल्यांदाच एकत्र काम करणार आहेत.ALSO READ : ​ रणवीर सिंगने खराब केला आलिया भट्टचा लाखोंचा ड्रेस!या चित्रपटात रणवीर व आलिया यांच्यासोबतच अभिनेत्री कल्की कोच्लिन ही सुद्धा एका महत्त्वपूर्ण भूमिकेत दिसणार आहे. चर्चा खरी मानाल तर कल्की यात एका रॅपरच्या भूमिकेत दिसेल. यापूर्वी कल्कीने जोयाच्या ‘जिंदगी न मिलेगी दोबारा’मध्ये काम केले आहे.तूर्तास रणवीरचा ‘पद्मावत’ हा चित्रपट प्रदर्शनाच्या वाटेवर आहे. याशिवाय ‘सिम्बा’ या आणखी एका चित्रपटात रणवीर दिसणार आहे. आलियाचे म्हणाल तर तिचा ‘राजी’ हा चित्रपट लवकरच प्रेक्षकांच्या भेटीस येणार आहे. यानंतर ती ‘ब्रम्हास्त्र’ या चित्रपटातही दिसणार आहे. यात तिच्या अपोझिट रणबीर कपूर मुख्य भूमिकेत आहे.